SQO-da zańsyz saqtalǵan 32 qarý tárkilendi
SQO polıtsııa departamenti baspasóz qyzmetiniń málimetinshe, Ǵ.Músirepov atyndaǵy aýdanda oıyq uńǵyly vıntovka tárkiledi. Polıtseıler 42 jastaǵy aýyldyqtyń úıinen tirkelgen eki ańshy myltyǵynan basqa zańsyz saqtalǵan optıkalyq kózdeýishi bar vıntovkany tapty. Qarý saraptamaǵa jiberildi.
Boljam boıynsha, bul kalıbri 5,6 mm «TOZ» markaly qarýy.
Atalǵan fakti QR Qylmystyq kodeksiniń «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» baby boıynsha Sotqa deıingi tergep- tekserýlerdiń biryńǵaı tizilimine engizildi.
«Qarý» jedel-profılaktıkalyq is-sharasyn ótkizý kezinde osymen ekinshi ret oıyq uńǵyly qarýdy zańsyz saqtaýdyń deregi anyqtalyp otyr. Aıta ketsek, aktsııa 17 mamyr bastaldy. Maqsat – qarýmen jasalatyn qylmystardyń aldyn alý.
Іs-shara basynan zańsyz saqtalǵan atys qarýynyń 22-si alyndy. Bul ózekti másele, tájirıbe kórsetkendeı barlyq tirkelmegen qarý jınalǵan daıyn kúıde, qoljetimdi jerde saqtalǵan», - deıdi SQO PD ákimshilik polıtsııa basqarmasynyń erekshe tapsyrmalar jónindegi aǵa ınspektory Qurman Mýsın.
Polıtseıler osy kúnge deıin 5,5 myńnan astam qarý ıelerin tekserdi. Qarýdy talapqa saı saqtamaýdyń 147 deregi anyqtaldy. Qarý ıeleri kóp jaǵdaıda seıfte qarýǵa qatysy joq zattardy - aqsha, baǵaly zattardy birge saqtaıdy.
Buǵan tyıym salynǵan jáne bul - zańbuzýshylyq. Sonymen qatar seıftiń dabyly jaramsyz bolyp jatady. Budan basqa tekseris barysynda azamattyq qarýdy qaıta tirkeý merziminiń ótýine qatysty 22 derek anyqtalǵan.
Tártip saqshylarynyń aıtýynsha, barlyǵy 32 qarý tárkilense, onyń 20-sy tirkelmegen tegis uńǵyly, bireýi gazdy jáne toǵyzy elektrli qarý.