SQO-da zańsyz kazınonyń joly kesildi
PETROPAVL. QazAqparat - Petropavlda zańsyz jumys istep kelgen 2 oıyn bıznesiniń joly kesildi, dep habarlaıdy QazAqparat.
Bul týraly óńirlik kommýnıkatsıylar qyzmetinde ótken brıfıngte Soltústik Qazaqstan oblysy boıynsha Kirister departamenti jetekshisiniń orynbasary Nurymjan Abatov málim etti.
Onyń sózinshe, zańsyz kazınolardy býkmekerlik keńseniń atyn jamylyp uıymdastyrǵan.
«Internet saıttar arqyly qumar oıyndarǵa aqsha qoıýǵa múmkindik jasalǵan. Zańsyz áreketterdi jasyrý úshin býkmekerlik qyzmet paıdalanylǵan»,-dedi N.Abatov.
Petropavl soty zańsyz sharany uıymdastyrǵan azamatqa 1,3 mln teńge kóleminde aıyppul salyp, tárkilengen zattardy memleket ıgiligine jumsaý jóninde úkim shyǵardy.
Sot úikimi boıynsha, zańsyz oıyn bıznesin uıymdastyrý barysynda paıdalanylǵan 125 júıeleýshi blok pen 99 monıtor, 7 kassa apparattary men 11 modem memleketke ıelegine ótti.
Mundaı jaǵdaıda ádette ǵımaratty jalǵa beretin azamatqa da qylmystyq jaýapkershilik júkteledi.
N.Abatov Qazaqstanda kazıno men oıyn avtomattary zalyn ornalastyrý tek Aqmola oblysy Shýchınsk aýdany men Qapshaǵaı sý qoımasynyń jaǵalaýynda ǵana ruqsat etilgenin eske saldy. Al budan ózge oryndarda oıyn bıznesin ashý zańsyz bolyp tabylady.
