SQO-da zańsyz júrgen 120 sheteldik reıd kezinde ustaldy
PETROPAVL. KAZINFORM - Soltústik Qazaqstan oblysynda «Qaýipsiz úı» jedel-profılaktıkalyq is-sharasy aıasynda kóshi-qon zańnamasyn buzýdyń 172 deregi anyqtaldy.
SQO Polıtsııa departamenti baspasóz qyzmetiniń málimetinshe, 5 qazannan bastalǵan reıdterge kún saıyn shamamen 700 adam qatysyp jatyr. Polıtseıler, probatsııa qyzmetkerleri, áskerı qyzmetshiler men qoǵam belsendileri turǵyn úılerdi, saıajaılardy, fermerlik sharýashylyqtar men qaraýsyz qalǵan ǵımarattardy tekserip jatyr.
Іs-shara barysynda 2 myńnan astam nysan tekserilip, mamandar esepte turǵan 1,9 myńǵa jýyq adamnyń úıine bardy. Nátıjesinde 13 quqyq buzý anyqtalyp, shartty túrde merziminen buryn bosatylǵan tórt adamnyń jazasyn qaıta qaraý tiraly tórt ótinishhat sotqa joldandy.
Sondaı-aq zańsyz jalǵa berilgen 23 páter týraly málimet memlekettik kirister organdaryna jiberildi. Reıd barysynda tirkelmegen úsh qarý tárkilendi. Ustalǵan 69 úısiz adamnyń tórteýi Petropavl qalasynyń qabyldap-taratý ornyna jiberildi. El aýmaǵynda zańsyz júrgen 120 sheteldik anyqtaldy.
Polıtseıler kámeletke tolmaǵan 12 jasóspirimdi ustap, olardyń jeteýi beıimdeý ortalyǵyna ornalastyryldy. Budan bólek, esirtki jarnamasy bar toǵyz jazý anyqtalǵan.
Profılaktıkalyq is-shara 5 qarashaǵa deıin jalǵasady. Onyń maqsaty - turǵyn úı sektoryndaǵy qaýipsizdikti qamtamasyz etý, quqyq buzýdyń aldyn alý jáne kóshi-qon zańnamasynyń saqtalýyn baqylaý.
Buǵan deıin Almatyda 30 qyrkúıek tańǵy saǵat 4:34-te er adamnyń basyna paket kıgizip, es-tússiz kúıde kóterip áketken vıdeosy taraǵanyn jazǵan edik.
