SQO-da zańsyz jumsalmaq bolǵan 363 mln teńge bıýdjetke qaıtaryldy
Soltústik Qazaqstan oblysynyń prokýrorlary bıýdjet qarajatyn jumsaý salasyna taldaý júrgizý kezinde memlekettik satyp alý týraly zańnamanyń óreskel buzýshylyqtaryn anyqtady, dep habarlaıdy QazAqparat.
Aqjar aýdanynyń Ekonomıka jáne qarjy bóliminiń laýazymdy adamdary «Avtomobıl joldary týraly» Zańnyń 14-babynyń talaptaryn buza otyryp, vedomstvolyq saraptamadan ótpeı, 3 aýyldaǵy joldardy jóndeý boıynsha memlekettik satyp alý júrgizgen.
"Prokýrorlyq qadaǵalaý sharalarymen qabyldanǵan atalǵan satyp alýlar joıyldy, nátıjesinde 363 mln teńge somasyna bıýdjet qarajatynyń jumsalýyna jol berilmedi.
Basqa jaǵdaıda, osy aýdanda aýyldyq okrýg ákimi «Memlekettik satyp alý týraly» Zańnyń talaptaryna qaramastan, Talshyq aýylyndaǵy kentishilik joldardy jóndeýge arnalǵan shart boıynsha is júzinde oryndalmaǵan jumystar úshin 7 mln teńge kóleminde tólem júrgizgen", - dep jazdy vedomstvodan.
Qadaǵalaý aktisi jáne Ádep jónindegi keńestiń usynymdary boıynsha aýyldyq okrýg ákimi memlekettik qyzmettiń bedelin túsirgeni úshin qyzmetine tolyq sáıkes emestigi týraly eskertý túrinde tártiptik jaýapkershilikke tartyldy, bıýdjet qarajatyn óteý boıynsha jumys júrgizilýde.
