SQO-da zańsyz saýdadan 500-den astam pırotehnıkalyq ónim alyndy
PETROPAVL. KAZINFORM – Soltústik Qazaqstan oblysynda jańa jyl meıramy qarsańynda «Pırotehnıka» jedel-aldyn alý is-sharasy ótip jatyr.
SQO polıtsııa departamenti baspasóz qyzmetiniń málimetinshe, zańsyz ónimniń satylýyna jol bermeýdi maqsat etken is-shara eki kezeńnen turady. Birinshi kezeń 5 jeltoqsanda bastalyp, 12 jeltoqsanda aıaqtalmaq. Ekinshi kezeń 20 jeltoqsan men 5 qańtar aralyǵyna josparlanǵan.
- Jedel-aldyn alý is-sharasynyń alǵashqy kezeńinde jeti ákimshilik hattama toltyryldy. Jalpy somasy 323 myń teńge bolatyn aıyppul salyndy. Zańsyz saýdadan 534 pırotehnıkalyq ónim alyndy. Lıtsenzııalanbaǵan ónimdi qoldaný qaýipti ekenin eske salamyz, - deıdi SQO PD ákimshilik polıtsııa basqarmasynyń aǵa ınspektory Erbolat Qabyrov.
Buǵan deıin Petropavlda jańa jyldyq bezendirýge qansha jumsalatynyn jazǵan edik.
Sondaı-aq SQO-da shyrshalardy brakonerlerden qorǵaý úshin 11 statsıonarlyq beket qurylǵanyn jazdyq.