SQO-da zańnama talaptaryn saqtamaı berilgen jer telimi memleket menshigine qaıtaryldy
ASTANA. KAZINFORM – QR AShM Jer resýrstaryn basqarý komıtetiniń Soltústik Qazaqstan oblysy Jer resýrstaryn basqarý departamentiniń jospardan tys tekserýi barysynda Shal aqyn aýdanynda jalpy aýmaǵy 105 gektar jer telimi zańsyz berilgeni anyqtaldy.
Atalǵan jer ýchaskesi eldi meken sheginde ornalasqan. Baý-baqsha sharýashylyǵyn júrgizý úshin berilgenimen, is júzinde qoǵamdyq jaıylym jer esebinen bólingeni belgili boldy.
Qoldanystaǵy jer zańnamasyna sáıkes, jaıylymdar, onyń ishinde ortaq paıdalanýdaǵy jaıylymdar, jeke menshikke nemese jer paıdalanýǵa berilmeıdi. Mundaı jerler tek halyqtyń jeke qosalqy sharýashylyqtarynda aýyl sharýashylyǵy janýarlaryn jaıýǵa arnalǵan.
Anyqtalǵan zań buzýshylyqty joıý maqsatynda departament Soltústik Qazaqstan oblysynyń mamandandyrylǵan aýdanaralyq ekonomıkalyq sotyna jer ýchaskesin jaldaý shartyn jaramsyz dep taný týraly talap-aryz joldady.
Nátıjesinde sot talap qoıýdy tolyq kólemde qanaǵattandyrdy.
Aýyl sharýashylyǵy mınıstrligi málimetinshe, sot aktisi zańdy kúshine enip, jer telimi memlekettik jer qoryna qaıtaryldy.
Aıta keteıik, Aqtóbede bıyl 94 myń gektar jer memleket menshigine qaıtaryldy.
Soltústik Qazaqstan oblysynda sý qoryna qaraıtyn jer uzaq ýaqyt bos jatyp, Jer kodeksiniń talaptary óreskel buzylǵan.
