SQO-da zamanaýı kóterme-taratý ortalyǵy ashyldy
PETROPAVL. QazAqparat – Soltústik Qazaqstan oblysynda óńir úshin óte mańyzdy joba júzege asyp, zamanaýı kóterme-taratý ortalyǵy ashyldy, dep habarlaıdy QazAqparat tilshisi.
SQO ákimi baspasóz qyzmetiniń málimetinshe, óńir basshysy Qumar Aqsaqalov jańa nysannyń jumysyn kórdi. Bul jerde azyq-túlik suryptalyp, saqtalyp, saýda ortalyqtaryna jóneltiledi. Zamanaýı keshenniń qurylysyna 1,9 mlrd teńge ınvestıtsııa quıyldy. Jańa nysanda 60 adam jumys istemek. Ortalyqta 2 myń tonn sııatyn kókónis qoımasy jáne 10 myń tonnaǵa arnalǵan qoımalar bar. Aýmaǵy 7 myń sharshy metrdi alyp jatyr.
«Zamanaýı qoıma taýardy tıimdi saqtap, óńdeýdi qamtamasyz etý úshin belgili talaptarǵa saı bolýy kerek. ıAǵnı qalypty temperatýra, jeldetý, ylǵaldylyq. Bul qoımalar V + sanatyna jatady jáne barlyq zamanaýı standarttarǵa sáıkes keledi. Álemde A kategorııasy ǵana joǵary. Bul keshenniń ashylýy kásipkerlerge qolaıly bolmaq. Endi deldaldar men satýshylar saýda tizbeginen shyǵaryldy. Kókónis ósirýshiler de ónimin uzaq ýaqytqa saqtaýǵa múmkindik alyp otyr», - deıdi óńir basshysy.
Budan bylaı «Radýga» kompanııasy men «Soltústik» áleýmettik-kásipkerlik korporatsııasy úlken kólemde taýar óndirýshiden ónimin satyp alyp, eshqandaı deldalsyz birden saýda oryndaryna jetkizip beredi. Nátıjesinde bıznes shyǵyndary ońtaılandyrylyp, baǵany tómendetý múmkin bolmaq. Sondaı-aq soltústik óńirdi qys-kóktem mezgilinde qoljetimdi kókónispen qamtý máselesi de sheshilmek.
