SQO-da əıel súıiktisin óltirip, denesin bólshektep tastaǵan
PETROPAVL. QazAqparat - Aqpan aıynda Petropavldaǵy úılerdiń biriniń aýlasynda er adamnyń aıaq-qoldarynyń bólikteri tabylǵan. Qylmysqa kúdikti áıeldi táýlik ishinde ustady.
56 jastaǵy Elena Býnına «Adam óltirý» baby boıynsha aıypty dep tanyldy. 10 jylǵa bas bostandyǵynan aıyrylǵan áıel jazasyn qylmystyq atqarý júıesiniń qaýipsizdigi ortasha mekemesinde óteıdi.
Іs materıaldarynan belgili bolǵandaı, Býnına men birge turatyn er adamnyń arasynda kıkiljiń týyndaǵan. Keıin Býnına ony ıterip jiberedi, zardap shegýshi as úıdegi dıvanǵa qulap túsken. Əıel aldymen onyń basy men bet tusyna soqqy jasaǵan, artynsha birneshe ret pyshaq suqqan. Er adam oqıǵa ornynda kóz jumdy.
«Ary qaraı Býnına máıitti balkonǵa shyǵarǵan. 10 men 18 aqpan aralyǵynda jasalǵan qylmystyń izin jasyrý úshin baltamen denesin bólshektegen. Árbir bóligin úı aýlasynda ornalasqan qoqys konteınerlerine tastap otyrǵan. 18 aqpanda qoqystan joǵary oń jaq jáne astyńǵy dene bólikteri tabyldy. Kelesi kúni polıtseı qyzmetkerleri adam óltirdi degen kúdikpen Býnınany ustady. Dál sol kúni balkonnan er adamnyń basy tabyldy», - delingen is materıaldarynda.
Sot úkimi kúshine engen joq.
