SQO-da volonterlerdiń sany 10 myńǵa jetti
SQO-nyń óńirlik kommýnıkatsııalar qyzmetinde volonterlerdiń aımaqtyq front-keńsesiniń ókilderi volonterlyq qozǵalystyń jumysy jaıynda esep berdi.
Petropavlda volonterlerdiń aımaqtyq front-keńsesi naýryz aıynda ashyldy. Qazir ol 10 myńǵa jýyq múshesi bar 26 uıymmen jumys istep keledi. Onyń ishine jastar resýrstyq ortalyqtary janynan qurylǵan volonterler klýbtary da kiredi.
«Front-keńseniń úılestirýshileri túsindirý jumystaryn júrgizip, keńes beredi. Sondaı-aq turǵyndardy volonterlikke tartyp, aqparattandyrady. Osy jyly úlken jumys atqaryldy. Bizdiń volonterler kópbalaly otbasylarǵa, múgedek balalary bar otbasylarǵa kómektesedi, soǵys ardagerlerin nazardan tys qaldyrmaıdy. Polıtsııaǵa joǵalǵan adamdardy tabýǵa kómektesedi», - deıdi SQO jastar bastamalary bóliminiń basshysy – volonterlerdiń aımaqtyq Front-keńsesiniń úılestirýshisi Anastasııa Volkova.
Bıyl karantın ýaqytynda volonterler 19 myń adamǵa kómektesti. Olar kúndelikti 140 mekenjaıǵa baryp, 5 myńnan astam azyq-túlik paketterin taratty. 15 myń maska tigip, tegin úlestirdi. Dárihanalardan dári-dármekterdi jetkizip turdy.
«Іndetpen kúreste volonterler men eriktilerdiń eńbegi orasan. Biz basqa da mańyzdy baǵyttardy umytqan joqpyz. Olardyń ishinde janýarlarǵa arnalǵan panajaılardaǵy jumysty, tegin kórsetilgen psıhologııalyq, quqyqtyq kómekti aıtýǵa bolady.
Bıylǵy jyl bizge sabaq boldy, oıymyzdy ózgertti. Biz ómirdi baǵalaýdy úırendik, jaqyn týǵandarymyzǵa barynsha qamqor bola bildik. Meıirimdilik, qaıyrymdylyq, aýyzbirlik sııaqty izgi qasıetter boıymyzdan kórindi. Bul – qoǵam úshin óte mańyzdy», - deıdi Anastasııa Volkova.