SQO-da volonterler bıyl joǵalǵan 9 adamdy tabýǵa kómektesti
Soltústik Qazaqstan oblysy Polıtsııa departamenti baspasóz qyzmetiniń málimetinshe, «SQO boıynsha izdestirý jasaǵy» volonterler qozǵalysy eki jyldyǵyn atap ótti. Bul birlestiktiń eriktileri eki jyldan beri polıtseılermen tyǵyz qarym-qatynasta jumys istep keledi.
«Petropavl aýmaǵynda joǵalǵandardy izdeý úshin shamamen 50-70, al aýdandarǵa shyǵý úshin 30-40 adamdy jumyldyramyz. Operatsııaǵa bir mezette 100 shaqty jasaq múshesi qatysqan kezder de boldy. Al alys aýdandarǵa barý úshin polıtsııa avtobýs bóledi. Tártip saqshylarymen birge ormandy, qaraýsyz qalǵan qurylysty, qudyq pen basqa da oryndardy tekseremiz. Biz áleýmettik jelidegi belgili pablıkterdiń ákimshisimen baılanys ornatqanbyz. Іz-túzsiz ketkender jaıly baǵdar qalaǵa tez taraıdy. Qoldanýshylardyń aqparaty nátıjeli izdeý júrgizýde kómegi zor», - deıdi «Іzdeý jasaǵynyń» jetekshisi Evgenıı Solovev.
«Іzdestirý jasaǵy» qozǵalysy eki jyldyq jumysyn qorytyndylap arnaıy beınerolık daıyndady. Munda volonterlerdiń atqaratyn jumysy kórsetilgen. Olar esirtkige qarsy kúres aktsııasyna belsendi qatysady, beımezgil ýaqytta kóshede júrgen jasóspirimderdi anyqtaý boıynsha túngi reıdke shyǵady. Karantın shekteýi kúsheıtilgen kezde jalǵyzbasty zeınetkerlerge azyq-túlik pen dári-dármek taratyp, áleýmettik qyzmetkerlerdiń de júgin jeńildetti.
SQO PD Krımnaldyq polıtsııa basqarmasynyń bastyǵy polıtsııa polkovnıgi Petr Klımovtyń aıtýynsha, bıyl «SQO boıynsha izdeý jasaǵy» 32 izdeý is-sharasyna qatysyp, olardyń kómegimen 9 adam tabyldy.