SQO-da vırýstyq ınfektsııany juqtyrǵandar sany artyp keledi
PETROPAVL. QazAqparat – Soltústik Qazaqstan oblysynda epıdemıologııalyq maýsym bastalǵaly ótkir respıratorlyq ınfektsııa juqtyrǵan 20 myńǵa jýyq adam dáriger kómegine júgingen, dep habarlaıdy QazAqparat tilshisi.
SQO taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, respıratorlyq vırýstyq ınfektsııany juqtyrǵandardyń deni, ıaǵnı 68% - 14 jasqa deıingi balalar. Onyń 7,7% bir jasqa deıingi sábıler bolsa, 0,9% - júkti áıelder.
Jalpy epıdemıologııalyq maýsym bastalǵaly tumaýdyń zerthanamen rastalǵan 196 deregi tirkeldi. Onyń 95-i A tıpti, qalǵany V tıpti ekendigi anyqtaldy. Tumaýmen aýyrǵandardyń 73-i 14 jasqa deıingi balalar, 82-si ekiqabat áıelder. Olardyń eshqaısysy tumaýǵa qarsy ekpe almaǵan.
Respıratorlyq vırýstyq ınfektsııany juqtyrǵandar sany sońǵy aptada 1921-ge artyp, jalpy kórsetkish 19 867-ge jetti. Mamandardyń aıtýynsha, bir aptanyń ishinde aýyrǵandar sany birden 7% artqan. Dárigerge kóringenderdiń 37% - mektep jasyndaǵy balalar.
«Oblystyń bilim berý mekemelerinde syrqattanǵandar sanyn anyqtaý maqsatynda kúndelikti monıtorıng júrgiziledi. Bilim berý bólimderiniń málimetinshe, 17 aqpan kúni juqpaly aýrýdy jáne tumaýdy juqtyrǵandar sany 0,4% pen 7,6% aralyǵyn qurady. Eger de dert saldarynan synyptaǵy nemese toptaǵy balalardyń 20% kelmese, oqý protsesin ýaqytsha toqtatý týraly sheshimdi mektep ákimshiligi qabyldaıdy. Al bilim ordasynyń 30% oqýshysy kelmegen jaǵdaıda dırektordyń buıryǵymen mektep karantınge jabylady», - deıdi SQO taýarlar men kórsetiletin qyzmetterdiń sapasy men qaýipsizdigin baqylaý departamenti jetekshisiniń orynbasary Tatıana Gorlova.
