SQO-da VICh juqtyrǵandardyń 87% antıretrovırýstyq terapııamen qamtylǵan
Soltústik Qazaqstan oblysynda 1,5 myńǵa jýyq adam VICh dıagnozymen mamandardyń esebinde tur. Syrqattardyń ómir súrý sapasyn jaqsartý jáne qaýipti derttiń ári qaraı taralýyna jol bermeý maqsatynda juqtyrǵandardyń 87% antıretrovırýstyq terapııamen qamtylǵan, dep habarlaıdy Kazinform.
Adamnyń ımmýn tapshylyǵy vırýsy búkil álemde áli de emdelmeıtin aýrýlar qatarynda.
SQO JITS profılaktıkasy jáne oǵan qarsy kúres ortalyǵynyń dırektory Aıman Syzdyqovanyń aıtýynsha, antıretrovırýstyq terapııany qabyldaý arqyly VICh juqtyrǵan adamnyń qanynda vırýstyń mólsheri azaıady, onyń ómir súrý sapasy jaqsarady jáne uzaqtyǵy artady.
«Oblystyq JITS ortalyǵy mamandarynyń mańyzdy mindetteriniń biri -AITV-men ómir súretin turǵyndardy emdelýge beıimdeý. Antıretrovırýstyq terapııa vırýstyń kóbeıýine jol bermeıdi. Bul ımmýndyq júıeni qalpyna keltirýge, ınfektsııalarmen kúresýge jáne JITS-tiń ári qaraı asqynbaýyna múmkindik beredi. Sonymen qatar, bul em profılaktıkalyq áserge ıe. Eger VICh-ke oń mártebesi bar adam antıretrovırýstyq preparattardy qabyldasa, dertti juqtyrý qaýpi aıtarlyqtaı tómendeıdi. Alaıda emdeýdiń tıimdiligin arttyrý úshin osy terapııany bastaǵan adam dári-dármekterdi kúndelikti jáne ómir boıy qabyldap, dárigerdiń barlyq nusqaýlaryn qatań ustanýy kerek», - deıdi Aıman Syzdyqova.
Búgingi tańda SQO-da VICh-pen ómir súretin 1,5 myńǵa jýyq adam esepte tur. Osy jyldyń 10 aıynda qaýipti vırýsty juqtyrýdyń jańa 116 jaǵdaıy anyqtaldy. Olardyń 64% - erler. Esirtkini ınektsııa arqyly qoldaný saldarynan VICh-ti 5,2% tómendegen.
«AITV ınfektsııasyn emdeýdiń tıimdiligi qandaǵy vırýstyń deńgeıimen anyqtalady. Eger qanda vırýs anyqtalmasa, pats
Antıretrovırýstyq terapııa preparattaryn qabyldaýdyń mańyzdylyǵyn túsindirý úshin patsıenttermen úlken jumys júrgiziledi. Osynyń arqasynda emdelýge degen umtylys jyl saıyn artyp keledi. Ári qazirgi preparattar aǵzaǵa mınımaldy janama áser etedi.
Búgingi tańda oblysta AITV juqtyrǵan, esepte turǵan adamdardyń 87% antıretrovırýstyq terapııadan ótip jatyr. Bul respýblıkalyq kórsetkish deńgeıine sáıkes keledi. 2022 jyldyń uqsas kezeńinde bul kórsetkish aımaq boıynsha 83%bolatyn», - deıdi ortalyq dırektory.
Mamannyń aıtýynsha, 20 qarashadan 1 jeltoqsan aralyǵynda Qazaqstanda Dúnıejúzilik JITS-ke qarsy kúres naýqany aıasynda onkúndik ótedi.
Al AITV-ǵa testileýdi turǵylyqty jer boıynsha emhanalarda, JITS profılaktıkasy jáne oǵan qarsy kúres jónindegi oblystyq ortalyqta jáne jeke zerthanalarda tapsyrýǵa bolady. Bul protsedýra tegin, ári qupııa túrde júrgiziledi.