SQO-da veterınarııalyq ınfraqurylymdy jańǵyrtýǵa 1,77 mlrd teńge bólindi
PETROPAVL. KAZINFORM — Soltústik Qazaqstan oblysy ákiminiń birinshi orynbasary Marat Tasmaǵanbetov Memleket basshysynyń agroónerkásip keshenindegi jalpy ónimdi, onyń ishinde mal sharýashylyǵyndaǵy jalpy ónimin eki esege arttyrý jónindegi tapsyrmasynyń júzege asyrylý barysy týraly, sondaı-aq óńirdiń veterınarııalyq ınfraqurylymyn jańǵyrtý týraly baıandady.
Qazaqstannyń aýsylsyz el retindegi mártebesin rastaý aıasynda mal sharýashylyǵyn damytý jáne otandyq et ónimderiniń eksporttyq áleýetin keńeıtý úshin qosymsha múmkindikter ashylyp otyr.
— Óńirdiń veterınarlyq jelisin jańǵyrtýǵa 1,77 mlrd teńge baǵyttaldy. Bıyl 57 veterınarııalyq pýnkt jáne 2 veterınarııalyq stansa salynýda. Kelesi jyly dál osy kólemde veterınarııalyq pýnktter salý josparlanǵan, — dep habarlady Úkimetten.
2026 jyldyń sońyna qaraı jańa veterınarııalyq nysandarmen qamtamasyz etý 60%-ǵa jetedi.
Sanıtarııalyq-epızootııalyq baqylaýdy kúsheıtý úshin 32 mal qorymy salynýda.
Etti mal sharýashylyǵy salasyndaǵy 32 ınvestıtsııalyq jobadan turatyn pýl qalyptastyryldy.
Marat Tasmaǵanbetovtiń aıtýynsha, qabyldanyp jatqan sharalar mal basynyń saý bolýyn senimdi baqylaýdy qamtamasyz etýge, salanyń ınvestıtsııalyq tartymdylyǵyn arttyrýǵa jáne óńirdiń eksporttyq áleýetin keńeıtýge múmkindik beredi.
Aıta keteıik, SQO-da 1,1 trln teńgege 64 ınvestıtsııalyq joba júzege asyrylyp jatyr.
