SQO-da vaktsınatsııalaý merzimi jyl sońyna deıin sozylýy múmkin
PETROPAVL. QazAqparat – Soltústik Qazaqstan oblysynda vaktsınatsııalaý boıynsha turǵyndardyń belsendiligi tómendep ketti. Mamandardyń aıtýynsha, jaǵdaı durystalmasa, naýqan jyl sońyna deıin jalǵasýy múmkin, dep habarlaıdy QazAqparat tilshisi.
SQO-da osy kúnge deıin 75 739 adam koronavırýsqa qarsy vaktsınanyń birinshi komponentin aldy. 42 171 adam vaktsınatsııanyń tolyq kýrsynan ótti.
Óńir boıynsha ekpe alǵandar arasynda asqynýlar tirkelmegen.
«Óńirde vaktsına alýshylardyń qatary sońǵy kezde azaıyp ketti.
Koronavırýsqa qarsy ekpe alýdyń mańyzy zor. Bul jaıynda aıtyp kelemiz. Árıne, eshkimdi májbúrleı almaımyz. Óziniń, jaqyndarynyń densaýlyǵyn oılaǵandar ekpe saldyryp jatyr», - deıdi SQO densaýlyq saqtaý basqarmasy basshysynyń orynbasary Qumar Kúsemisov.
Qazir oblysta vaktsına jetkilikti. Úsh túrli preparattyń 36 myńnan astam birinshi komponenti jáne 26 myńnan astam ekinshi komponenti bar.
«Óńirde qazir orta eseppen kúnine 640-650 adam ekpe alady. Buǵan deıin kúnine 2 myń, 3 myń adam vaktsına qoıdyrǵan kezder boldy. Qazir turǵyndar tarapynan belsendilik tómendep ketti. Biz vaktsınatsııany qyrkúıek aıyna deıin aıaqtaýdy josparlaǵan edik. Biraq jaǵdaı osylaı jalǵasatyn bolsa, vaktsınatsııa jyl sońyna deıin sozylyp ketýi múmkin», - deıdi Qumar Kúsemisov.
Jalpy SQO-da osy kúnge deıin koronavırýsty 15 myńǵa jýyq adam juqtyrdy. Olardyń 14 314-i jazylyp shyqty. Óńirde syrqattarǵa arnalǵan 630 ınfektsııalyq oryn bar. Ol 28 paıyzǵa tolyq, ıaǵnı 78 adam em alyp jatyr.
64 oryn jansaqtaý bólimshesinde bolsa, onda aýyr haldegi 17 adam jatyr.
