SQO-da vaktsınatsııa pasportyn qoldan jasaǵan medqyzmetker sottaldy
PETROPAVL. QazAqparat – Soltústik Qazaqstan oblysynda vaktsınatsııa pasportyn qoldan jasap kelgen medıtsınalyq qyzmetkerge sot úkimi shyǵaryldy, dep habarlaıdy QazAqparat tilshisi.
SQO soty baspasóz qyzmetiniń málimetinshe, Aıyrtaý aýdandyq soty osy aýdannyń ortalyq aýrýhanasynyń feldsherine qatysty qylmystyq isti qarady. Medıtsınalyq qyzmetker 14-21 tamyz aralyǵynda jumys ornynda otyryp, «Profılaktıkalyq ekpe esep jýrnalyna» jalǵan málimetterdi engizgen. Sonyń negizinde «Vaktsınatsııa modýli» avtomattandyrylǵan júıesinde jalǵan vaktsınatsııa pasporttary qalyptastyrylǵan.
Sottalýshynyń kinási tolyq dáleldendi.
«Resmı qujatty qoldan jasaǵandarǵa aıyppul, túzeý jumystary, qoǵamdyq jumystar, bostandyqty shekteý nemese 2 jylǵa deıin bas bostandyǵynan aıyrý jazasy qarastyrylǵan. Alaıda, sot úkim shyǵarmas buryn jazany jeńildetetin jáne aýyrlatatyn jaǵdaılardy esepke alady. Ol júktilik, asyraýynda jas balalardyń bolýy jáne shyn júrekten ókiný bolýy múmkin», - delingen habarlamada.
Aıyrtaý aýdandyq soty jazany aýyrlatatyn jaǵdaılardyń bolmaýyn esepke alyp, medıtsınalyq qyzmetkerge bir jylǵa bostandyǵyn shekteý jazasyn kesti.
