SQO-da vaktsına alýy tıis turǵyndardyń shamamen 80 paıyzy egildi

PETROPAVL. QazAqparat – Soltústik Qazaqstan oblysynda sońǵy eki aptada koronavırýspen aýyrý 2,8 ese kemidi. Epıdemıologııalyq jaǵdaı turaqtandy, dep habarlaıdy QazAqparat tilshisi.

Óńirlik kommýnıkatsııalar qyzmetinde SQO-da koronavırýs ınfektsııasynyń taralýy jáne vaktsınatsııa barysy boıynsha brıfıng ótti. Sanıtarııalyq-epıdemıologııalyq baqylaý departamenti basshysynyń orynbasary Arman Kúshbasovtyń aıtýynsha, oblysta 44 338 adam KVI juqtyrdy. Sońǵy eki aptada aýrýshańdyq 796-dan 281 jaǵdaıǵa deıin azaıyp, 2,8 ese kemidi.

«Eldegi epıdemıologııalyq jaǵdaıdyń turaqtanýyn eskere otyryp, QR Bas memlekettik sanıtarııalyq dárigeri birqatar qaýlylar qabyldady. Endi «sary» jáne «jasyl» aımaqtarda áleýmettik qashyqtyqty saqtamaýǵa bolady, mindetti termometrııa jáne Ashyq qosymshasyn mindetti túrde qoldaný joıyldy. Ashyq jabylǵan joq, óıtkeni óńir «qyzyl» aımaqqa ótken jaǵdaıda qosymshany paıdalaný mindetteledi. Taza aýada maska taqpaýǵa bolady. COVID-19-ǵa qarsy vaktsına almaǵan qyzmetkerlerge shekteýsiz jumysqa aralasýǵa bolady. Vahtalyq ádispen jumys isteıtinderge PTR-test tapsyrý mindettelmeıdi. Al KVI-men aýyrǵandardyń mártebesi jarty jylǵa deıin «jasyl» bolyp saqtalady», - deıdi Arman Kúshbasov.

SQO-da osy kúnge deıin 304 295 adam birinshi komponentpen egilse, 292 666 turǵyn vaktsınatsııa kýrsynan ótti. Qamtý 78,9 %-dy qurady. Al 100 886 adam revaktsınatsııalandy. Bul jospardyń 51,3 %-y.