SQO-da úılerge ys ıisin anyqtaıtyn datchıkter ornatylyp jatyr
PETROPAVL. QazAqparat - Soltústik Qazaqstan oblysy Ǵ.Músirepov atyndaǵy aýdanda tótenshe jaǵdaılar jáne órt sóndirý bóliminiń qyzmetkerleri qaıyrymdylyq aktsııasyn uıymdastyrdy, dep habarlaıdy QazAqparat tilshisi.
Tótenshe jaǵdaılar departamenti baspasóz qyzmetiniń aqparaty boıynsha, qutqarýshylar kópbalaly jáne az qamtylǵan 10 otbasyǵa ys ıisi paıda bolǵanda belgi beretin qurylǵylardy tegin ornatqan.
Jeke úılerde peshterdiń aqaýy saldarynan tótenshe jaǵdaılar jıi bolady. Turǵyndar ys ıisinen ýlanýlary múmkin. Qurylǵy osy qaýipten saqtandyrady.
«2019 jyldyń basynan beri Ǵ.Músirepov aýdany aýmaǵynda 4 órt tirkeldi. Odan 1 adam mert boldy. Jylytý maýsymy bastalǵaly beri 4 adam ystan ýlandy», - dedi baspasóz qyzmeti.
