SQO-da uıymdasqan qylmystyq top ustaldy
PETROPAVL. KAZINFORM – Soltústik Qazaqstan oblysynyń polıtseıleri birneshe aı boıy sońyna túsip, nátıjesinde bultartpas aıǵaqpen uıymdasqan qylmystyq topty qolǵa túsirdi. Kúdiktiler esirtki bıznesimen aınalysqan.
SQO Polıtsııa departamenti baspasóz qyzmetiniń málimetinshe, esirtki qylmysyna qarsy is-qımyl basqarmasynyń jedel ýákilderi birer aı buryn Petropavlǵa asa iri kólemde marıhýana men gashıshti jetkizip, taratyp júrgen qylmystyq toptyń izine túsedi. Esirtki Astanadan ákelinip otyrǵan.
Byltyr mamyr aıynda polıtseıler SQO prokýratýrasynyń kelisimimen 8 kúdiktini ustaıdy. 35 jastaǵy jigit Astana turǵyny, keıin, onyń qylmystyq topty uıymdastyrýshy ekeni anyqtalǵan.
«Kúdiktilerdi ustaý kezinde olarda ózderimen birge 49 kg 318 gr esirtki, sonyń ishinde 81 gr gashısh bolǵan. Tórteýi qamaýǵa alyndy. Qazirgi ýaqytta qajetti tergeý áreketteri men júrgizilgen kóptegen saraptama aıaqtaldy. QR Qylmystyq kodeksiniń – uıymdasqan qylmystyq top qurý jáne oǵan basshylyq etý, ótkizý maqsatynda asa iri kólemdegi esirtkini zańsyz paıdalaný boıynsha qozǵalǵan is materıaldary sotqa jiberýge daıyndalyp jatyr», - deıdi SQO PD esirtki qylmysyna qarsy is-qımyl basqarmasynyń bastyǵy Rýslan Saparov.
