SQO-da uıaly baılanysty jaqsartý úshin avtojoldar boıynda 14 antenna munara qoıý josparlanǵan
PETROPAVL. KAZINFORM — Soltústik Qazaqstan oblysynda byltyr uıaly baılanysty jaqsartý maqsatynda 300-ge jýyq jańa 4G bazalyq stantsııa ornatyldy.
Bul týraly Tsıfrlyq damý, ınnovatsııalar jáne aeroǵarysh ónerkásibi mınıstrligi málim etti.
— Búginde SQO-da 5 qala 635 eldi-meken bar, onyń ishinde 318 aýyl — 4G, 107 eldi-meken — 3G, 215 eldi-meken — TOBJ/ADSL tehnologııalary arqyly ınternetke qosylǵan.
Byltyr oblys boıynsha 293 jańa 4G bazalyq stantsııa ornatylǵan. Sonymen qatar «Qoljetimdi ınternet» ulttyq jobasy aıasynda 2027 jyldyń sońyna deıin taǵy 295 aýylǵa talshyqty-optıkalyq jeli tartý josparlanyp otyr, — delingen resmı jaýapta.
Vedomstvonyń málimetinshe, ulttyq joba aıasynda Petropavlda 24 5G bazalyq stantsııa ornatyldy.
Geografııalyq jáne ekonomıkalyq erekshelikterdi eskere otyryp, 2023 jyly spýtnık baılanys arqyly respýblıka boıynsha 176 aýyldyq eldi mekende baılanys jaqsardy, onyń 17-si SQO-da ornalasqan. Jyl sońyna deıin 328 aýyldy qosý josparlanǵan, onyń ishinde 46-sy «OneWeb» kompanııasynyń spýtnık tehnologııasy arqyly SQO-da qosylady.
— Soltústik Qazaqstan oblysyndaǵy avtojoldar boıynda uıaly baılanysty jaqsartý úshin 14 antenna munara ornatý josparlanǵan. Bul bastamalar aýyldaǵy halyqqa baılanys pen tsıfrlyq qyzmetterdi qoljetimdi etýge baǵyttalǵan, — deıdi mınıstrlik ókilderi.
Buǵan deıin Premer-mınıstr týrıstik lokatsııalarda sapaly uıaly baılanys pen ınternet bolý qajettigin aıtqan edi.