SQO-da úı órtenip, er adam kóz jumdy
PETROPAVLOVSK QazAqparat - Soltústik Qazaqstan oblysynda bir aptada 14 ret órt shyǵyp, bir adam qaza tapty, dep habarlaıdy QazAqparat.
Brıfıngide azamattyq qorǵanys salasyndaǵy táýekelderdi azaıtý, apattar jáne baqylaý basqarmasynyń basshysy Dmıtrıı Rastıhın: «Jambyl aýdanynyń Presnovka aýylynda úıinen órt shyǵyp, er adam kóz jumdy», - dep habarlady.
«Oqıǵa ornynan 53 jastaǵy er adamnyń máıiti tabyldy. Órttiń aldyn ala sebebi – qoldan jasalǵan jylytý qurylǵysyn paıdalaný qaýipsizdigin buzý. Kún sýytqan saıyn jylytý qurylǵylarynyń saldarynan jelige júkteme kóp túsýde. Turǵyndar kóbinese qoldan jasalǵan jylytý quraldaryn paıdalanady», - dedi D.Rastıhın.
Onyń aıtýynsha, avtoáýesqoılar da keıde kólikti jylytý kezinde jaǵarmaıdy únemdeý úshin túrli amaldarǵa barady. Keıbireýler dánekerleý lampasyn paıdalanady, motor bólikterin kórpemen jabady. Sonyń saldarynan kólikten órt shyǵyp jatady. Jyl basynan beri óńirde 578 órt tirkelgen, onyń 435-i turǵyn úı sektorynda. Órt saldarynan 43 adam qaza tapty, onyń beseýi — bala.
8 órt oqıǵasy kezinde 20 adam qaza tapty. 14 adam túrli dárejede jaraqat aldy. Órtten kelgen shyǵyn 116 mln teńgeden asty. Qutqarýshylar «órttiń negizgi sebepteri otty durys paıdalanbaý, elektr jabdyqtaryn, jylytý quraldaryn paıdalaný erejelerin buzý» deıdi.
