SQO-da úı órtenip, 3 adamdy kúıik shaldy
PETROPAVL. QazAqparat – Soltústik Qazaqstan oblysy Jambyl aýdanynyń Blagoveşenka aýylynda turǵyn úı órtenip, 3 adam aýyr kúıik aldy, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, 23 qyrkúıek kúni saǵat 16.51 mınýtta Jambyl aýdany Presnovka selosyndaǵy órt sóndirý qyzmetine Blagoveşenka aýylyndaǵy Muqanov kóshesi, 10 mekenjaıy boıynsha jeke turǵyn úıdiń órtenip jatqandyǵy týraly habar túsedi.
Oqıǵa ornyna mamandar jetkende jalyn eki páterli turǵyn úıdiń kireberisin sharpyp, sondaı-aq shatyrdan da qara tútin shyǵyp jatqan.
Órttiń saldarynan úsh adam zardap shegip, túrli dárejedegi aýyr kúıik aldy. 29 jastaǵy er adamnyń 20-29%, onyń 29 jastaǵy áıeliniń 40-49%, olardyń 5 jasar balalarynyń 40-49% deneleri kúıip qalǵan. Barlyǵy aýyr halde aýdandyq ortalyq aýrýhanaǵa jetkizildi.
Tilsiz jaýdy aýyzdyqtaýǵa mamandarǵa «Atameken-Agro» JShS erikti órt sóndirýshileri kómektesti. Nátıjesinde órt jarty saǵattyń ishinde tolyqtaı sóndirilip, eki páterli úıdiń bir jaǵy jáne qora-qopsysy aman qaldy.
Qazirgi ýaqytta órttiń shyǵý sebebi men kelgen shyǵyn mólsheri anyqtalyp jatyr.
