SQO-da úı qustarynyń neden qyrylyp jatqanyn elordalyq mamandar anyqtaıdy

SQO Shal aqyn aýdanyndaǵy Sýhorabovka, Ǵ.Músirepov aýdanyndaǵy Chernobaevka jáne Tımırıazev eldimekeninde 9-11 qyrkúıek aralyǵynda shamamen 700 bas úı qusy qyryldy.

Veterınarlyq qyzmet ólgen taýyqtan patologııalyq materıal alyp, zerthanaǵa jiberdi. Ázirge, nátıjesi belgisiz. Búgin óńirge Veterınarııa boıynsha ulttyq referenttik ortalyǵynan mamandar kelmek. Olar synama alyp, Nur-Sultan qalasyna áketip zertteıtin bolady.

«Biz qyrylǵan qustyń kózin joıdyq. Aýlalardy zararsyzdandyrdyq. Ólgen qus boıynsha kúndelikti monıtorıng júrgiziledi. Biraq ázirge jańa derekter anyqtalǵan joq. Budan basqa halyqpen túsindirý jumystaryn júrgizip jatyrmyz», - deıdi SQO veterınarııa basqarmasynyń basshysy Berik Áljanov.

Resmı málimet boıynsha, Qazaqstan qus tumaýy órshigen Reseıdiń Omby oblysynan qusty jáne shıki qus ónimderin engizýge shekteý qoıdy. Alaıda qus qyrylǵan eldimekender Reseımen shekaralas jatqan joq.

«Qazir qus qyrylǵan aýyldardy jabýǵa negiz joq. Saraptamanyń qorytyndysyn kútemiz. Dıagnoz qoıylǵannan keıin naqty is-sharalar qolǵa alynady. ıAǵnı bul eldimekenderdi karantınge jabý nemese kirip-shyǵýdy shekteý boıynsha. Saraptama qorytyndysy erteńderi daıyn bolýy tıis», - deıdi Berik Áljanov.

Basqarma basshysynyń aıtýynsha, qustyń neden qyrylǵanyn saraptama qorytyndysy kelmeı, aıtýǵa ıýbolmaıdy. Óıtkeni klınıkalyq belgileri birneshe aýrýǵa uqsaıdy.

«Pasterellez, salmonellez jáne qus tumaýy, nıýkasl aýrýy jáne kolıbakterıoz. Qaısy ekenin qazir aıtýǵa bolmaıdy, óıtkeni belgileri uqsas. Bulardyń barlyǵy – ınfektsııalyq aýrýlar. ıAǵnı qustardyń dene qyzýy kóteriledi. Іshi ótedi, álsizdik paıda bolady, bastaryn artqa salady, aıdary kógeredi», - deıdi Berik Áljanov.

Osydan eki jyl buryn SQO-nyń Aıyrtaý aýdanynda qustarda nıýkasl aýrýy tirkelgen bolatyn.