SQO-da úshem dúnıege keldi
PETROPAVL. QazAqparat – Soltústik Qazaqstan oblysynda búgin úshem dúnıe esigin ashty. Eki ul, bir qyzdyń jaǵdaılary jaqsy, dep habarlaıdy QazAqparat tilshisi.
SQO densaýlyq saqtaý basqarmasy baspasóz qyzmetiniń málimetinshe, Petropavldaǵy perınataldyq ortalyqta búgin úshem dúnıege keldi. Eki ul bir qyzdy ómirge ákelgen ananyń jasy 35-te. Aqjar aýdanynyń ortalyǵy Talshyq aýylynyń týmasy.
Bir kúnde kóp balaly ana atanǵan áıeldi úıinde úsh qyzy kútip otyr.
Mamandardyń aıtýynsha, shaqalaqtardyń jaǵdaıy jaqsy, salmaqtary: 2,6, 2,4 jáne 2,1 keli. Kesir tiligi arqyly bosanǵan áıel qazir jansaqtaý bóliminde jatyr.
