SQO-da úsh temirjol vokzalynda jańǵyrtý jumysy aıaqtalýǵa jaqyn
PETROPAVL. KAZINFORM - Soltústik Qazaqstan oblysyndaǵy Jańaesil, Taıynsha jáne Saýmalkól stantsııalarynyń temirjol vokzaldary jańǵyrtýdan ótti.
«Qazaqstan temir joly» kompanııasynyń málimetinshe, nysandardyń qazir 92% - den 98% deıin daıyn.
Jańaesil stantsııasyndaǵy vokzaldyń jalpy aýdany 570 sharshy metr. Munda qurylys-montajdaý jumystary, aýmaqty jáne perrondy abattandyrý tolyq aıaqtalyp, jıhaz ben tehnologııalyq jabdyqtar ornatyldy. Jaqynda paıdalanýǵa berilmek.
Saýmalkól stantsııasynda da aýdany 200 sharshy metrden asatyn vokzaldy jańartý jumysy aıaqtalýǵa jaqyn. Negizgi qurylys jumystary oryndaldy, nysandy jaraqtandyrý aıaqtalyp keledi. Ǵımarat búginde 92% daıyn.
Taıynsha stantsııasyndaǵy stantsııa da jańǵyrtýdan ótip, jaqynda paıdalanýǵa beriledi.
Aýdany 440 sharshy metrden asatyn vokzaldyń ǵımaraty, perron jáne irgeles aýmaq boıynsha jumystar aıaqtaldy, qazir tehnologııalyq jabdyqtar ornatylyp jatyr.
Mamandardyń aıtýynsha, jańǵyrtý aıasynda vokzaldar zamanaýı kútý zaldarymen, jańartylǵan sanıtarlyq aımaqtarmen jáne yńǵaıly navıgatsııa júıesimen jabdyqtaldy.
Múmkindigi shekteýli jolaýshylar úshin kedergisiz orta qurýǵa erekshe nazar aýdarylǵan.
Buǵan deıin temirjol ótkelderindegi jol apaty 30% azaıǵanyn jazǵan edik.
