SQO-da úsh kúnde 371 qańǵybas anyqtaldy
Petropavl qalasynyń 45 jastaǵy turǵyny 1971 jylǵy aǵasynyń úıinen ketip qalyp, búgingi kúnge deıin oralmaǵany jaıly polıtseılerge habarlaǵan. Áıeldiń aıtýynsha, aǵasy jeke turǵan. Aptasyna bir ret úıine baryp, azyq-túlikpen qamtamasyz etip turǵan. Kórshileri er adamdy úsh kúnnen beri kórmegen. Aıtýlarynsha, ol spırttik ishimdik ishkenimen, buryn úıinen ketpegen.
Joǵalǵan adamdy izdeýge barlyq jeke quram jumyldyrylǵan, fotobaǵdarlar oblystyń barlyq polıtsııa bólinisterine jiberildi. Sondaı-aq áleýmettik jelilerde izdeý jarııalandy. Іs-shara barysynda onyń júrýi múmkin aýdandar, temirjol jáne avtovokzal, medıtsınalyq mekemeler, beıimdeý ortalyǵy tekserilip, turaqty mekenjaıy joq adamdardan jaýap alyndy. «Qańǵybas» operatsııasy barysynda iz-túzsiz joǵalǵan adam Jambyl aýdanynan tabyldy. Ol týystaryn eskertpesten tabys tabýǵa ketken.
SQO Polıtsııa departamenti baspasóz qyzmetiniń málimetinshe, «Qańǵybas» jedel-profılaktıkalyq is-sharasy 14-16 qazan aralyǵynda ótip jatyr. Operatsııa barysynda polıtseıler úı-kúısiz júrgen adamdardyń jınalatyn jerleri - saıajaı alqaptaryn, qaraýsyz qalǵan ǵımarattardy, úılerdiń shatyrlaryn, káriz qudyqtaryn, qoqys tógetin oryndardy tekserdi.
«Operatsııa barysynda turaqty mekenjaıy joq adamdardy anyqtap, olardy qabyldap-taratý ornyna jetkizý, krımınalıstıkalyq, jedel-anyqtamalyq esepke qoıý, sondaı-aq qylmyskerlerdi ustaý, iz-tússiz joǵalǵandary anyqtaý men izdeý jáne tanylmaǵan máıitterdiń jeke tulǵasyn anyqtaý boıynsha jumystar júrgiziledi. Іs-shara bastalǵaly polıtsııaǵa turaqty mekenjaıy joq 371 adam jetkizildi. Olardyń barlyǵy fotosýretke túsirilip, beınejazbaǵa jazylyp, daktıloskopııalyq esepke alyndy», - deıdi SQO PD bastyǵynyń orynbasary Rýslan Nazarov.
«Qańǵybas» respýblıkalyq jedel-profılaktıkalyq is-sharasy aıasynda polıtseıler úı-kúısizder jasaǵan 3 qylmystyń betin ashty. 4 qylmysker ustalyp, joǵalǵan 3 adamnyń qaıda ekendigi anyqtaldy.
