SQO-da úsh kúnde 1,3 ret jol erejesi buzylǵan
SQO polıtsııa departamenti baspasóz qyzmetiniń málimetinshe, jolda petropavldyqtar jıi jiberetin quqyq buzýshylyqtardyń biri – baǵdarshamnyń qyzyl túsine ótý. Júrginshilerge jol bermeý, solǵa burylýda jol erejesine baǵynbaý, joldyń qarsy betine shyǵý – kóp jaǵdaıda jol tártibiniń buzylýyna alyp keledi.
Petropavldyń 44 jastaǵy turǵyny tús kezinde «Assortı» bazarynyń mańynda «SsangYong» kóligimen joldyń qarsy betine shyǵyp ketken. Muny avtopatrýl baıqap qalyp, er adam ákimshilik jaýapqa tartyldy.
«Jedel-profılaktıkalyq is-sharalaryn ótkizýdegi maqsat – joldarda kólik júrgizý mádenıetin jáne joldaǵy qozǵalys qaýipsizdigin arttyrý. Bul ásirese, balalardyń jazǵy demalysy qarsańynda asa mańyzdy. Aktsııanyń úsh kúninde jol erejesin buzýdyń 1358 deregi anyqtaldy. Kólik júrgizýshilerdiń 16-sy júrginshiler ótkelinde olarǵa jol bermegen. 33-i baǵdarshamnyń qyzyl túsine ótken. 38 júrgizýshi manevr jasaý erejesin buzdy. Al 27 adam rýlge mas kúıde otyrǵan», - deıdi SQO PD JPQ basqarmasynyń bastyǵy Aıdyn Baımatov.