SQO-da úsh bala sýǵa ketti: Bireýiniń denesi úsh táýlikten beri tabylmaı jatyr
PETROPAVL. KAZINFORM — Soltústik Qazaqstan oblysy Taıynsha aýdanynda 16 jastaǵy eki jasóspirim sýǵa ketti.
SQO tótenshe jaǵdaılar departamenti baspasóz qyzmetiniń málimetinshe, oqıǵa Taıynsha qalasynda 16 maýsym kúni saǵat 16.30 shamasynda bolǵan.
Chaglınka ózenine shomylýǵa barǵan 2008 jyly týǵan eki jasóspirim sýǵa ketken.
Balanyń Taıynshada tursa, ekinshisi Atbasar qalasynan kelgen. Ekeýi de — Tájikstan Respýblıkasynyń azamaty.
«Balalardyń denesin taýyp, alyp shyqtyq. Sot-medıtsınalyq saraptamaǵa jiberildi. Famılııalary uqsas, týys bolýy múmkin. Qazir osy oqıǵanyń mán-jaıy anyqtalyp jatyr», — dedi departamenttiń baspasóz hatshysy Evgenıı Jýravlev.
Al 14 maýsym kúni Petropavlda Esil ózenine shomylýǵa baryp, batyp ketken 10 jasar balanyń denesi áli tabylǵan joq.
«Petropavlda Esil ózeninde izdeý jumystary jalǵasyp jatyr. Eresekterdiń baqylaýynsyz tyıym salynǵan jerde shomylý kezinde sýǵa batyp ketken 2014 jyly týǵan jasóspirimniń denesi tabylǵan joq. Іzdeý jumystaryna SQO tótenshe jaǵdaılar departamenti jeke quramynan 52 adam jáne 5 tehnıka jumyldyryldy. Іzdeýge bir sý asty drony jáne ushqyshsyz basqarylatyn 2 ushý apparaty qoldanylǵan, oqıǵa ornynda eriktiler men polıtsııa da jumys istep jatyr», — dedi departament qyzmetkeri Aman Áýeshanov.
Buǵan deıin Petropavlda 53 kóshege asfalt tóseletinin jazǵan edik.
