SQO-da úsh aýyldan qoı urlaǵan urylar ustaldy
ASTANA. QazAqparat - SQO-da birneshe ret jasalǵan mal urlyǵyna kúdikti retinde aýyldyń tórt turǵyny qolǵa tústi, dep habarlaıdy QazAqparat tilshisi SQO Polıtsııa departamentiniń baspasóz qyzmetine silteme jasap.
«Ýálıhan aýdanynyń polıtsııa bólimine qoı urlyǵyna qatysty Mortyq, Tileýsaı jáne aýdan ortalyǵy Kishkenekólden birneshe aryz kelip tústi. Polıtsııa qyzmetkerleri jedel izdestirý sharalaryn júrgizgennen keıin mal urlyǵyna qatysty Kishkenekól aýylynyń 1997-1998 jylǵy tórt turǵyny ustaldy», - delingen departamenttiń baspasóz qyzmetiniń habarlamasynda.
Ýálıhan aýdandyq polıtsııa bóliminiń bastyǵy Marat Áljanovtyń sózine qulaq assaq, jas jigitter qoıdy urlaǵannan keıin satyp, paıda taýyp otyrǵan. Tergeý amaldary barysynda urlanǵan qoıdyń bári de ıelerine qaıtaryldy. Kúdiktilerge qatysty eshqaıda shyqpaý týraly shara qabyldandy. Qazirgi ýaqytta sotqa deıingi tergeý amaldary júrgizilip jatyr.
Departamentten habarlanǵandaı, kúdiktilerdiń úıleriniń birinen ótkir ıisi bar zat tabylǵan. Saraptama jumystary kórsetkendeı, ol zattyń 250 gramdyq marıhýana ekeni anyqtalǵan. Atalǵan fakti de QR Qylmystyq kodeksiniń 296-baby 3-bóligi boıynsha tirkelip otyr.
