SQO-da «Urpaq jadynda» atty aktsııa ótti

PETROPAVL. QazAqparat - Soltústik Qazaqstan oblysynda «Nur Otan» partııasy SQO ókildiginiń uıymdastyrýymen búgin «Urpaq jadynda» aktsııasy ótti. Oǵan 12 myńǵa jýyq soltústikqazaqstandyq qatysty, dep habarlaıdy QazAqparat tilshisi.

«Urpaq jadynda» aktsııasy Jeńis kúni qarsańynda uıymdastyrylyp otyr. Sharanyń maqsaty - óńirdegi Ekinshi dúnıejúzilik soǵys jaýyngerlerine arnalǵan esertkishter men obelıskterdi retke keltirý, aınalasyn tazalap, abattandyrý bolyp tabylady.

Petropavlda «Jas Otan» jastar qanatynyń aımaqtyq belsendileri soǵysqa qatysýshylar jerlengen eski zırat aýmaǵyn jınastyrdy.

Jastardyń aıtýynsha, mundaı is-shara elimizdiń jáne týǵan ólkeniń tarıhyna jaýapkershilikpen, qurmetpen qaraýǵa tárbıeleıdi.

«Biz oblys boıynsha arnaıy toptar qurdyq, olardyń quramynda - partııa, «Jas Otan» JQ belsendileri, stýdentter bar. Biz soǵysta qaza tapqandar týraly, Otandy qorǵaǵan adamdardy árqashan este saqtaýymyz kerek. Al bul aktsııa jas urpaqqa patrıottyq tárbıe beredi, azamattyq pozıtsııasyn qalyptastyrady», - deıdi «Jas Otan» JQ aımaqtyq fılıalynyń jetekshisi Abylaıhan Qaırollaev.

Jastar ótken aptada «Máńgilik alaý» mańyn tazartqan. Byltyr Ekinshi dúnıejúzilik soǵys batyrlarynyń qurmetine atalǵan kóshelerdi tazalap, jınaýǵa úles qosypty.

«Nur Otan» partııasynyń SQO ókildiginiń bastamasyn Petropavldaǵy órt sóndirý qyzmetiniń mamandary da qoldady. Olar Ǵabıt Músirepov atyndaǵy kósheni jınastyryp, Ekinshi d.nıejúzilik soǵys kezinde erlikpen qaza tapqan jaýyngerlerge arnalǵan eskertkishter men obelıskterdi jýyp, mańyn qoqystan tazartty.

Jalpy, is-shara barysynda jerles jaýyngerlerdiń qurmetine ornatylǵan 200-den astam eskertkishter tazartylyp, Ekinshidúnıejúzilis soǵysqa qatysýshylardyń jerlengen oryndary jóndeldi jáne abattandyryldy.

Uıymdastyrýshylardyń aıtýynsha, «Urpaq jadynda» aktsııasy 100-den astam aýyldyq okrýgty qamtydy. Іs-shara keler aptada jalǵasyn tabady.