SQO-da ýnıversıtet rektory óziniń laýazymyn sot arqyly qaıtaryp aldy
PETROPAVL. QazAqparat - Manash Qozybaev atyndaǵy Soltústik Qazaqstan memlekettik ýnıversıtetiniń rektory Ońdasyn Áshimov sot arqyly óziniń laýazymyna qaıta keldi, dep habarlaıdy QazAqparat tilshisi.
Atalǵan ýnıversıtettiń keńeıtilgen ǵylymı keńesinde QR BǴM Zań qyzmeti jáne halyqaralyq yntymaqtastyq departamentiniń dırektory Nurseıit Baıjanov Soltústik Qazaqstan memlekettik ýnıversıtettiń rektory Ońdasyn Áshimovtiń qyzmetine qaıta taǵaıyndalǵandyǵy týraly buıryqty oqyp berdi.
«Men atalǵan is boıynsha sot protsesiniń bolǵandyǵyn aıtyp ótkim keledi. Bizdiń Ońdasyn Áshimovpen eńbek shartyn buzý týraly sheshimimiz birinshi jáne ekinshi sot ınstantsııalarynda zańdy dep tabyldy. Osy sheshim kúshine engennen keıin, ózderińizge belgili konkýrs jarııalandy. Ýnıversıtettiń jańa rektory saılandy. Alaıda árbir adamnyń konstıtýtsııalyq quqyq bar, ony barlyǵymyz paıdalanamyz. Ońdasyn Áshimov te solaı jasady. QR Joǵary soty bizdiń sheshimimizdi zańsyz dep taýyp, Ońdasyn Áshimovti buryńǵy qyzmetine qaıta taǵaıyndaý týraly sheshim shyǵardy. Men Bilim jáne ǵylym mınıstrligi atynan túsinbeýshilikter bolǵany úshin odan keshirim surnaımyn. Kez kelgen sheshim bilim ordasynyń bolashaǵy úshin jasalady, buǵan túsinýshilikpen qaraýlaryńyzdy suraımyn», - dedi Nurseıit Baıjanov.
