SQO-da Ýnıversıada Alaýy jaǵyldy

PETROPAVL. QazAqparat - Soltústik Qazaqstan oblysy Búkilálemdik 28-shi qysqy Ýnıversıada-2017 Alaý estafetasyn qabyldady, dep habarlaıdy «QazAqparat» HAA tilshisi.

«Bizdiń oblystyń namysyn 8 soltústikqazaqstandyq qorǵaıdy. Konkıshiler Roman Krech, Fedor Andreev, Ivan Arjannıkov, Tatıana Klımchýk, Svetlana Maltseva, Marııa Gromova, shańǵy jarysynda - Rınat Mýhın, kerlıngte - Dmıtrıı Garagýl. Bárimiz jerlesterimizge qoldaý bildirip, jeńis tileıik!», - dedi Erik Sultanov.

 

Ýnıversıada Alaýyn SQO ákimi Erik Sultanov jáne M.Qozybaev atyndaǵy SQMÝ rektory Serik Ómirbekov jaqty. Óńir basshysy alaýdy alǵash alyp júrip, Margarıta Muqashevaǵa tabystady.

 

Estafeta M.Qozybaev atyndaǵy Soltústik Qazaqstan memlekettik ýnıversıtetinen bastaldy. 60 alaýger Ýnıversıada Alaýyn Petropavldyń basty kóshelerimen alyp ótedi. Olar 12 shaqyrym jol júredi. Estafeta eki kezeńge bólingen jáne Sport saraıynda aıaqtalady.