SQO-da Ulttyq halyq sanaǵyn júrgizýge 1 myń adam tartylady
SQO ákimdiginiń otyrysynda Ulttyq halyq sanaǵyna ázirlik jaıy pysyqtaldy. Oblytyq statıstıka departamentiniń jetekshisi Maral Nurjaýypovanyń aıtýynsha, qazirgi ýaqytta meken jaılar men kóshelerdiń tártibi retke keltirilip, kartografııalyq materıal daıyndalyp jatyr. Sondaı-aq aýyldyq okrýgterdi memlekettik organdardyń biryńǵaı kóliktik ortasyna qosý jumystary júrgizilýde.
«Halyq sanaǵy durys ótýi úshin meken jaılardy tártipke keltirý qajet. Bul maqsatqa Úkimet belgilegen merzim aıaqtalǵanymen, óńirde ol jumystar sońyna jetken joq. Buǵan deıin atqarylǵan is-shara barysynda barlyq eldi mekenderde kósheniń aty jazylǵan anshlagtardyń jáne úı nómiri kórsetilgen taqtaıshalardyń tek biren-saranynda ǵana barlyǵyn anyqtadyq. Aýdandar men Petropavl qalasy ákimdigi anshlagtar men taqtaıshalardy jasaýdy josparǵa engizgen. Olar bul jumysty bir aıdyń ishinde bitirýleri qajet. Taǵy bir másele – turǵyndaryń ózderiniń zańdy meken jaıyn bilmeýi», - deıdi Maral Nurjaýypova.
SQO-da Ulttyq sanaqty júrgizýge qosymsha 1 myń jumys orny qurylmaq. Naýqannyń birinshi kezeńine 193 adam tartylsa, qalǵany negizgi kezeńde jumys isteıdi. Olardyń ortasha eńbekaqysy 94 myń teńge bolsa, eń tómengisi – 75 myń teńge. Birinshi kezeńde bir ıntervıýerge júkteletin jumys - 1200 nysandy aralap shyǵý. Ekinshi kezeńde 833 respondentten málimet jınaý qajet bolady. Bul jumysqa 18 jastan asqan, bilimi barlar qabyldanbaq.
«Jalpy alǵanda daıyndyq jumystary josparly túrde júrgizilip jatyr. Halyq sanaǵyn sapaly jáne merziminde aıaqtaý úshin barlyq oblystyq memlekettik organdardan qoldaý kútemiz. Óıtkeni shtattan tys jaǵdaılar bolyp qalýy múmkin. Máselen kólikke, personalǵa jáne halyq arasynda túsindirý jumystaryn júrgizýge qajettilik týýy múmkin», - deıdi Maral Nurjaýypova.
Qazirgi tańda Ulttyq sanaqty júrgizýge qajet qural-jabdyqtar respýblıkalyq bıýdjet esebinen tolyq satyp alyndy.
