SQO-da úlkendigi taýyqtyń jumyrtqasyndaı burshaq jaýdy
PETROPAVL. KAZINFORM — Soltústik Qazaqstan oblysynda birneshe aýdanda burshaq jaýyp, jurttyń baý-baqshasyna zııan keltirdi.
Áleýmettik jelide turǵyndar Esil, Shal aqyn jáne Mamlıýt aýdandarynda burshaq jaýǵanyn aıtty. Ásirese Esil aýdanyndaǵy ıAsnovka aýylynda onyń úlkendigi taýyq jumyrtqasyndaı bolǵan.
Al osy aýdandaǵy ıAvlenka aýylynda burshaq kishirekteý bolǵanymen, turǵyndarǵa biraz zııanyn tıgizgen.
— Jaýyn-shashyn shamamen jarty saǵatqa sozyldy. Aldymen 15 mınýt qatty jańbyr jaýdy, arty burshaqqa ulasty. Daýyl turyp, bireýimizdiń garaj-qoramyzdyń shatyryn zaqymdady, kórshilerdiń qorshaýyn julyp ketti, — deıdi aýyldyqtar.
Burshaq baqshada ósip turǵan qııar-qyzanaqty uryp, saý-tamtyǵyn qaldyrmaǵan.
«Qazgıdromet» kásiporny oblystyq fılıaly bir kún buryn qolaısyz aýa raıy týraly eskertti. Sınoptıkter óńirdiń soltústigi men batysynda naızaǵaı oınap, jańbyr jaýyp, ekpini 25 m/s jetetin qatty jel turatynyn habarlady.
Mamandardyń boljamynsha, erteń 16 tamyzda da oblystyń soltústik, shyǵys, ońtústiginde qatty jańbyr, burshaq, daýyl bolmaq. Jeldiń ekpini keı jerlerde 28 m/s deıin jetpek.
Buǵan deıin Óskemende daýyldan keıin ondaǵan kólik búlingenin jazǵan edik.
