SQO-da ýly suıyqtyq ishken 16 jasar qyz tikushaqpen Petropavlǵa shuǵyl túrde jetkizildi

PETROPAVL. KAZINFORM – Soltústik Qazaqstan oblysynda dárigerler 16 jasar qyzdyń ómiri úshin kúresip jatyr. 

Aıyrtaý aýdany Gýsakovka aýylynyń turǵyny ýly suıyqtyqty iship qoıǵan. Aman alyp qalý úshin Tótenshe jaǵdaılar mınıstrliginiń tikushaǵymen sanıtarlyq avıatsııa dárigerleri oblystyq balalar aýrýhanasynyń qyzmetkerlerimen birge jasóspirimdi shuǵyl túrde Petropavlǵa jetkizdi.

Posmotret etý pýblıkatsııý v Instagram

Pýblıkatsııa ot Soltústik Qazaqstan oblysy TJD (@112sko)

SQO densaýlyq saqtaý basqarmasy baspasóz qyzmetiniń málimetinshe, 2009 jyly týǵan bala hımııalyq kúıik alǵan. Aıyrtaý aýdandyq aýrýhanasyna jetkizilip, balanyń jaǵdaıyna baılanysty sanıtarlyq avıatsııany tartý týraly sheshim qabyldandy.

– Sanavıatsııa borty men profıldi mamandardan quralǵan brıgada arqyly patsıent Petropavldaǵy kópbeıindi balalar oblystyq aýrýhanasyna jetkizildi. Qazirgi tańda bala reanımatsııa jáne qarqyndy terapııa bóliminde jatyr. Dárigerler balanyń jaǵdaıyn óte aýyr dep baǵalaıdy. Medıtsınalyq kómek tolyq kólemde kórsetiledi, jaǵdaıdy turaqtandyrý úshin barlyq qajetti sharalar qabyldanǵan, - deıdi basqarmanyń baspasóz hatshysy Gúlnar Qalıeva.

Foto: vıdeodan alynǵan skrın

SQO polıtsııa departamenti baspasóz qyzmetiniń málimetinshe, oqıǵa 4 aqpan kúni bolǵan. Polıtsııaǵa Aıyrtaý aýdanynyń 16 jastaǵy turǵyny belgisiz suıyqtyqpen ýlanyp, medıtsınalyq mekemege jetkizilgeni týraly habarlama túsken. Qazir oqıǵanyń barlyq mán-jaıy anyqtalyp jatyr. 

– Atalǵan fakti boıynsha polıtsııa sotqa deıingi tergep-tekserý júrgizip jatyr. Qazirgi ýaqytta bolǵan oqıǵanyń mán-jaıyn jan-jaqty ári obektıvti anyqtaýǵa baǵyttalǵan qajetti tergeý áreketteri júzege asyrylýda. Qazaqstan Respýblıkasynyń zańnamasyna sáıkes ózge aqparat jarııa etýge jatpaıdy, - dedi baspasóz qyzmetiniń ókilderi. 

Buǵan deıiin Túrkistan oblysynda ystan ýlanǵan er adamnyń kóz jumǵanyn, áıeli aýyr halde aýrýhanaǵa jetkizilgenin jazǵan edik.