SQO-da ýchaskelik ınspektor er adamdy ólimnen qutqardy
PETROPAVL. KAZINFORM – Soltústik Qazaqstan oblysynda polıtsııanyń ýchaskelik ınspektory órtengen úıden esinen tanǵan er adamdy shyǵaryp, qutqaryp qaldy.
SQO Polıtsııa departamenti baspasóz qyzmetiniń málimetinshe, oqıǵa Mamlıýt aýdanyndaǵy aýyldardyń birinde bolǵan. Erli-zaıypty úıde araq iship, arty janjalǵa ulasqan. Áıeli kórshi úıge ketip qalyp, birazdan keıin qaıtyp kelgende úıiniń tútindep jatqanyn baıqaıdy. Ol birden ýchaskelik polıtsııa ınspektory Qadyrbek Isınge qońyraý shalyp, mas kúıdegi kúıeýiniń janyp jatqan úıde qalǵanyn aıtqan.
Bul ýaqytta polıtsııa maıory 7 shaqyrym jerdegi ýchaskelik pýnktte bolǵan. Ol áıelge órt sóndirýshiler men «jedel járdem» shaqyrýdy tapsyryp, ózi dereý kóliktiń jarqyldaýyq maıaktaryn qosyp, oqıǵa ornyna attandy. Birinshi bolyp kelgen polıtsııa qyzmetkeri janyp jatqan úıge kirip, esinen tanǵan 42 jastaǵy er adamdy syrtqa alyp shyqty.
Órt sóndirýshiler jalyndy aýyzdyqtady. Órttiń shyǵýyna tósekte mas kúıde temeki shegý sebep bolǵan. «Jedel járdem» kóligi qutqarylǵan er adamdy medıtsınalyq mekemege jetkizdi, alǵashqy kómek kórsetilgennen keıin ol úıine jiberildi.
Ol otbasynyń shyrqyn alǵany úshin bir táýlikke qamaýǵa alyndy. Sondaı-aq oǵan qatysty qorǵaý nusqamasy shyǵaryldy. Bul otbasymen polıtseıler profılaktıkalyq jumys júrgizbek.
Buǵan deıin Petropavldaǵy Ulttyq ulan akademııasyndaǵy tóbelesten birneshe adam jaraqat alǵanyn jazǵan edik.