SQO-da ýaqytsha ustaý abaqtysynda kitaphana, dýsh paıda boldy
PETROPAVL. QazAqparat - SQO Tımırıazev aýdanynda jańartylǵan ýaqytsha ustaý abaqtysy ashyldy, dep habarlady «QazAqparat» HAA tilshisi SQO ІІD baspasóz qyzmetine silteme jasap.
Bul oblys aýmaǵynda jumys isteıtin osyndaı baǵyttaǵy onynshy mekeme.
Abaqtyda 8 orynǵa arnalǵan 3 kamera bar. Olarǵa terezelerden bólek, santehnıkalyq toraptar men káriz júıesi ornatyldy. Sondaı-aq, dýsh kabınasy, tergeýshiler kabıneti, serýendeıtin alań paıda boldy. Jańa medıtsınalyq qural-jabdyqtar satyp alyndy. Shaǵyn kitaphana da oılastyrylǵan.
Jyl basynda aýdan prokýratýrasynyń aryz-talaby boıynsha, SQO aýdanaralyq ekonomıkalyq soty Tımırıazev aýdandyq ýaqytsha ustaý abaqtysynyń jumysy belgili merzimge toqtatyldy. Kúdiktiler men aıyptalýshylardy sondaı-aq, ákimshilik tártipte ustalǵandar Shal aqyn aýdanyndaǵy ІІB ýaqytsha ustaý abaqtysyna jetkizilip turdy.
Taǵy bir jańa abaqtyny Taıynsha qalasy aýdandyq ІІB janynan ashý josparlanýda.
