SQO-da tyńaıtqysh qoldanylatyn alqap kólemi ulǵaıtylady
PETROPAVL. QazAqparat – Soltústik Qazaqstan oblysynda bıyl da 4,3 mln ga alqapqa daqyl egilip, onyń shamamen úshten bir bóligi tyńaıtqyshpen óńdelmek, dep habarlaıdy QazAqparat tilshisi.
SQO aýyl sharýashylyǵy basqarmasynyń málimetinshe, bıyl egis alqaby byltyrǵy deńgeıde qalyp, 4,3 mln ga paıdalanylmaq. Onyń 3 mln ga-na dándi daqyldar, 957 myń ga nemese barlyq alqaptyń 23 %-yna maıly daqyldar, 350 myń ga – jem-shóp, 32 myń ga – kartop, 6 myń ga astamyna – kókónis egilmek.
Al daqyldardyń shyǵymdylyǵyn arttyrý jáne topyraq qunarlylyǵyn saqtaý maqsatynda 2,7 mln ga alańda 170 myń tonna mıneraldy tyńaıtqysh engizý josparlanǵan. 2020 jyly 135 myń tonna qoldanylsa, al byltyr shamamen 160 myń tonna tyńaıtqysh 2,5 mln ga alqapqa engizildi.
Óńdeletin alqap sany ulǵaıǵanymen, bul jumysty júzege asyratyn agroqurylymdar sany barlyq sharýashylyqtardyń 13 %-ǵa jýyǵyn ǵana quraıdy. ıAǵnı oblysta 4062 sharýashylyq bolsa, sonyń 513-i ǵana qajetti tehnologııany qoldanady.
Óńir dıqandary suıyq mıneraldy tyńaıtqyshtardy ózderinde óndirý úshin eritindi toraptaryn satyp alyp jatyr. Búgingi tańda oblysta osyndaı 9 shaǵyn zaýyt bar.
Budan basqa aramshópterge, zııankester men ósimdik aýrýlaryna qarsy hımııalyq óńdeý júrgiziledi. Byltyr 3,4 mln ga alańda tıisti jumystar júrgizildi.
