SQO-da túzeý mekemesiniń bastyǵy ustalǵanyn UQK rastady
PETROPAVL. KAZINFORM — Soltústik Qazaqstan oblysy boıynsha qylmystyq-atqarý júıesi departamentiniń № 52 mekemesiniń bastyǵy para aldy degen kúdikpen ustaldy. Osy derekke qatysty Kazinform suraýyna Qazaqstan Respýblıkasy Ulttyq qaýipsizdik komıteti jaýap berdi.
— Kórsetilgen fakti boıynsha sotqa deıingi tergep-tekserýler júrgizilip jatqanyn habarlaımyz. Qylmystyq-protsestik kodekstiń 201-babynyń 1-tarmaǵyna sáıkes ózge aqparat jarııa etýge jatpaıdy, — delingen habarlamada.
Resmı emes málimet boıynsha, túrme bastyǵy sottalǵandy shartty túrde merziminen buryn bosatýǵa yqpal etý úshin para alýy múmkin.
Halyq arasynda «erkin qonys» dep atalǵan № 52 túzeý mekemesi Qyzyljar aýdany Olshanka eldi mekeninde ornalasqan. 2024 jyldan beri kolonııany polkovnık Rústem Rahmetov basqarǵan.
Sondaı-aq, jaqynda Qyzyljar aýdany polıtsııasy qoǵamdyq qaýipsizdik bóliminiń bastyǵy da ustaldy. QR Ulttyq qaýipsizdik komıteti qazirgi ýaqytta osy derekke qatysty tergep-tekserýler júrgizilip jatqanyn málim etti.
Buǵan deıin «Problemalyq kredıtter qory» basqarmasynyń burynǵy tóraǵasy ustalǵanyn jazǵan edik.