SQO-da turmysy tómen otbasydan shyqqan oqýshylar kompıýtermen qamtylady
PETROPAVL. QazAqparat – Soltústik Qazaqstan oblysy ákimdiginiń otyrysynda jańa oqý jylyna qatysty máseleler talqylandy, dep habarlaıdy QazAqparat tilshisi.
SQO ákimi baspasóz qyzmetiniń málimetinshe, óńirdegi. Al synyptaǵy oqýshy sany 3-20-dan aspaıtyn shaǵyn mektepter qyrkúıekte 14 myń balaǵa esigin aıqara ashpaq. Alaıda aýyl mektepteri sanıtarlyq talapty qatań saqtaýy qajet.
«Ekonomııanyń arqasynda maskalar, antıseptıkter, dozatorlar, teplovızorlar men qorǵanys quraldaryn alyp qoıý kerek. Qazir oqýshylardyń densaýlyǵy mańyzdyraq. Qajetti emes shyǵyndardy qysqartý kerek», - dedi Qumar Aqsaqalov.
Aýdan ákimderine mektepterdi qashyqtan oqýǵa qajetti ınternetpen qamtamasyz etý tapsyryldy. Qosymsha kompıýter de alynbaq. Búginge deıin onyń 580-i alyndy. Taǵy 1 myńǵa jýyǵyn alý kózdelgen. Óńir basshysy kompıýteri joq áleýmettik turǵyda az qamtylǵan otbasylardyń tizimin jasap, oqýshylardy barlyq kerek jaraqpen qamtamasyz etý qajettigin aıtty.
Bıyl mektepterdiń avtoparki de jańartylmaq. Búginde bilim ordalaryna 24 shaǵyn avtobýs berildi, oqý jylynyń basyna deıin taǵy 19-y taratylmaq.
Budan basqa mektepter beınebaqylaý júıesimen tolyq qamtylmaqshy. Osy maqsatqa bıýdjetten 259 mln teńge bólingen. Synyptardaǵy jıhaz da jańartylyp, sporttyq qural-jabdyqtar satyp alynady.
«Maman jetispeýshiligi máselesi oblysta tolyqtaı sheshilýge jaqyn. Sońǵy úsh jylda óńirge 1390 pedagog keldi. Bıyl taǵy 315 muǵalim bilim berý mekemelerine jumysqa ornalasatyn bolady», - dedi óńir basshysy.
Ákimdik otyrysynda Ulttyq biryńǵaı testileýdiń qorytyndysy shyǵaryldy. Bıyl túlekterdiń 71% UBT-ǵa qatysty. Oblys boıynsha ortasha ball – 69,7. Bul respýblıkalyq ortasha kórsetkishten joǵary.
