SQO-da túrli deńgeıdegi ákimderdiń 600-den astam eseptik kezdesýi ótedi
PETROPAVL. QazAqparat – Soltústik Qazaqstan oblysynda túrli deńgeıdegi ákimderdiń halyqpen eseptik kezdesýleri bastaldy. Aqpan aıynyń ortasyna deıin osyndaı 600-den astam kezdesý josparlanǵan, dep habarlaıdy QazAqparat tilshisi.
Ákimderdiń halyq aldyndaǵy esebi SQO-da 15 qańtar kúni bastaldy. Jyldaǵy dástúrge saı uıymdastyrylǵan eseptik kezdesýlerde aldymen aýyldyq okrýg ákimderi halyq aldynda atqarylǵan jumysty tizip, jańa jyldyń josparymen bólisedi.
SQO Іshki saıasat basqarmasynyń málimetinshe, aýyldyq okrýg ákimderi - 401, aýdan ákimderi men Petropavl qalasynyń ákimi 201 kezdesý ótkizýleri tıis.
Byltyr ákimder osy shamalas kezdesý ótkizip, 47 myńnan astam adamdy qamtydy. Jıynǵa kelgen halyqtan 2069 ótinish-aryz tústi. Onyń 2056 - áleýmettik, 9 - ekonomıkalyq sıpatta jáne 4-ýi memlekettik qyzmetti alý boıynsha.
Mamandardyń sózine qaraǵanda, barlyq kóterilgen máseleler eskerýsiz qalǵan joq. Máselen, Petropavl qalasynda turǵyndardyń aýlalardy abattandyrý jáne balalarǵa oıyn alańdaryn salyp berý týraly ótinishi aıaqsyz qalmady. Nátıjesinde sońǵy birer jylda shamamen 360 aýlanyń asfalty aýystyrylyp, 200-deı oıyn alańqaıy boı kóterdi. Sońǵy úsh jylda oblys ortalyǵyndaǵy 42 kóshede jóndeý jumystary júrgizildi. Qıyrshyq tas tóseýge ǵana 1 mlrd teńge jumsaldy.
