SQO-da turǵyndar alqapqa jaıylǵan sýdan balyqty qolmen aýlady

PETROPAVL. KAZINFORM – Soltústik Qazaqstan oblysynda Kishi Qoskól kóli tasyp, pelıad balyǵy jaǵaǵa shyǵyp qaldy.

СҚО-да тұрғындар алқапқа жайылған судан балықты қолмен аулады
Фото: Видеодан алынған кадр

Alqapqa jaıylǵan sýdan balyqty esh quralsyz qolmen aýlap júrgen jurttyń vıdeosy áleýmettik jelide tarady. Beınejazbadan halyqtyń pelıad balyǵyn shelekpen, qappen tasyp jatqanyn kórýge bolady. Tasjolmen ketip bara jatqandar da toqtap, balyq aýlaýdyń qyzyǵyna batty.

Birinen biri estip, aǵylyp kelip jatqan adamda esep bolmady.

Biraq birer saǵattan soń oqıǵa ornyna quqyq qorǵaý organdarynyń ókilderi kelip, Kishi Qoskólge baratyn joldy jaýyp tastady. 

QR Aýyl sharýashylyǵy mınıstrligi Balyq sharýashylyǵy komıtetiniń Esil oblysaralyq basseındik balyq sharýashylyǵy ınspektsııasynyń málimetinshe, 27 naýryz kúni saǵat 14.00 shamasynda Aıyrtaý aýdany Antonovka aýylynyń mańyndaǵy Kishi Qoskól kóli tasyp, pelıad balyǵy kól aýmaǵynan shyǵyp ketken. 

Tabıǵatty paıdalanýshy balyqtyń jaıylýyn toqtatý úshin bógetter ornatty. 

Kishi Qoskól kóli 859 ga aýmaqty alyp jatyr. Ol «Pershına» jeke kásipkerligine balyq sharýashylyǵymen aınalysýǵa berilgen. Byltyr kásipker kólge pelıad balyǵynyń 500 myń dernásilin ákelip jibergen. 

Buǵan deıin SQO-da kóktem bastalǵaly sý shaıǵan avtojoldardyń 21-inde jaǵdaı turaqtanǵanyn jazǵan edik.

Сейчас читают