SQO-da tún tynyshtyǵyn buzǵan 1,5 myń adam jazalandy
PETROPAVL. QazAqparat – Soltústik Qazaqstan oblysynda bıyl tún tynyshtyǵyn buzyp, jurttyń mazasyn alǵan 1,5 myń adam ákimshilik jaýapkershilikke tartyldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, ásirese jazda turǵyndardan beımezgil ýaqytta mazalaryn alǵan kórshileriniń ústinen shaǵym jıi túsedi. Óıtkeni kóptegen adam ishimdik ishkendi demalys dep uǵynady. Túngi qydyrýlar basqalardyń tynyshtyyǵyn buzyp, jumys kúninen keıin durys demalýǵa kedergi keltiredi. Orta eseppen petropavldyq polıtseıler jumys kúnderi keshki saǵat 22.00-den keıin jáne demalys kúnderi saǵat 23.00-den keıin tynyshtyq rejımin buzýǵa qatysty 6-7
shaqyrtýǵa barady. Kóbinese jalǵa beriletin páterler, oıyn-saýyq nysandary men táýlik boıy jumys isteıtin dúkender problemalyq oryndarǵa aınalǵan.
«Sońǵy qońyraýlardyń biri «102» mobıldi qosymshasy arqyly tústi.
Túngi janjalqoıdyń aıqaıy aryzdanýshyǵa uıqy bermegen. Tártip saqshylary birden oqıǵa ornyna attanyp, aryzdanýshyǵa qoldanylǵan sharalar týraly avtomatty túrde habarlama jiberildi. Kóp uzamaı mekenjaıǵa kelgen patrýl oblys aýdandarynyń biriniń 19 jastaǵy turǵynyn ákimshilik kodekstiń eki baby boıynsha: tynyshtyqty buzǵany jáne qoǵamdyq orynda mas kúıde bolǵany úshin jaýapqa tartty», - deıdi Petropavl qalasy polıtsııa basqarmasy bastyǵynyń birinshi orynbasary Álibek Ǵabdýllın.
Jyl basynan beri Petropavl polıtseıleri tynyshtyqty buzý týraly 1268 hattama toltyrdy. Oblysta osyndaı 1495 fakti tirkeldi.
