SQO-da tumaý juqtyrǵandar sany ósti
PETROPAVL. QazAqparat – Soltústik Qazaqstan oblysynda bir aptada jiti respıratorlyq vırýstyq ınfektsııany juqtyrǵandar sany 3% artyp, epıdemııalyq shekten asty, dep habarlaıdy QazAqparat tilshisi.
SQO taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, óńirde epıdemııalyq maýsym bastalǵaly respıratorlyq vırýstyq ınfektsııany juqtyrǵandardyń sany 22,5 myńnan asyp ketken. Tek sońǵy aptada juqpaly aýrýdy 2650 adam juqtyrǵan.
Al 24 aqpandaǵy kórsetkish boıynsha tumaýdy juqtyrǵandar sany 288-ge jetti. Onyń 170-i A tıpti bolsa, qalǵany V tıpti. 107 jaǵdaıda 14 jasqa deıingi balalar aýyrsa, 116-synda tumaý ekiqabat áıelderden anyqtalǵan.
Respıratorlyq vırýstyq ınfektsııany juqtyrǵandardyń 69,4% 14 jasqa deıingi balalardy quraıdy. 8,3% - bir jasqa deıingi sábıler, 1% - aıaǵy aýyr áıelder aýyrǵan.
Departament kúndelikti aýyrǵan balalar boıynsha monıtorıng júrgizip otyr. Buǵan deıin vırýstyq ınfektsııanyń órshýine baılanysta Petropavldaǵy bir mekteptiń jáne otyzdan astam synyptyń karantınge jabylǵanyn habarlaǵan edik .
