SQO-da tumaý juqtyrǵandar sany artyp keledi
PETROPAVL. KAZINFORM – Soltústik Qazaqstan oblysynda epıdemıologııalyq maýsym bastalǵaly jedel respıratorlyq vırýstyq ınfektsııany 55,5 myńnan astam adam juqtyrdy. Bul byltyrǵy sáıkes kezeńmen salystyrǵanda 1,7 ese kóp.
SQO sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, naýqastardyń 36 579-y nemese 66% - 14 jasqa deıingi balalar.
«H3N2 tıpti A tumaýynyń alǵashqy jaǵdaıy 2023 jyly 13 qarashasynda tirkeldi. Ótken aptadan bastap tumaýmen aýyrǵandar sany kúrt artyp otyr. Búginde A tıpti tumaý H3N2 juqtyrýdyń 29 jaǵdaıy anyqtaldy.
Aýyrǵandardyń 37% - Petropavl turǵyndary. 30% - Qyzyljar aýdanynda, 13% - Maǵjan Jumabaev aýdanynda, 10% - Ǵabıt Músirepov aýdanynda tirkelgen», - deıdi Áset Jumataev.
Tumaý boıynsha epıdemıologııalyq jaǵdaıdyń nasharlaýyna baılanysty maman aldyn alý sharalaryn umytpaýdy eske salady.
«Adamdar kóp jınalatyn jerlerde maskany qoldanyńyz.
Aýrýdyń belgileri - túshkirý nemese jótelý bar adamdarmen tyǵyz baılanysta bolýdan aýlaq bolyńyz.
Tumaý vırýsy aýa tamshylary arqyly ǵana emes, sonymen qatar las qol, murynnyń, kózdiń, aýyzdyń shyryshty qabattarymen baılanysta bolǵan kezde turmystyq zattar arqyly da juǵady – ásirese kóshe men qoǵamdyq kólikten keıin qolyńyzdy sabynmen únemi jýyńyz.
Kóshe men qoǵamdyq kólikten keıin muryn qýysyn shaıyńyz.
Bólmeni únemi jeldetip otyryńyz, bólmedegi aýany ylǵaldandyryńyz.
Quramynda S dárýmeni bar taǵamdardy múmkindiginshe kóp jeńiz.
Salamatty ómir saltyn ustanyńyz, jetkilikti uıyqtańyz, durys tamaqtanyńyz jáne únemi dene shynyqtyrýmen aınalysyńyz.
Aýyrǵan jaǵdaıda dárigerge qońyraý shalyp, úıde bolý kerek, ınfektsııanyń odan ári taralýyn boldyrmaý úshin naýqas balalardy balabaqshaǵa, mektepke jibermeý qajet», - deıdi Áset Jumataev.
