SQO-da túlkiler aýyldarǵa kirip, úı janýarlary men qustardy talaı bastady
PETROPAVL. KAZINFORM — Soltústik Qazaqstan oblysynda túlkiler aýyldarǵa kirip ketti.
Bul týraly turǵyndar áleýmettik jelide bólisip jatyr.
Qyzyljar aýdany Beskól aýylyndaǵy Qarabek kóliniń mańyndaǵy úılerdiń biriniń aýlasyna túlki kirgen. Jabaıy janýar mysyqty talap, keıin ıtke umtylǵan.
Turǵyndar birden arnaıy qyzmetterdi shaqyrdy. Mamandar kelgenshe túlki ustatpaı qashyp ketken.
Aýdandyq ákimdik ókilderi osy oqıǵaǵa qatysty túsinik berdi. Aıtýlarynsha, oqıǵa 18 qarasha kúni saǵat 20.00 shamasynda bolǵan. Ekinshi kúni túlki qapqan mysyqtyń jáne evtanazııa jasalǵan ıttiń óligin oblystyq zerthanaǵa jiberdi. Al aýlada dezınfektsııalyq sharalar júrgizilgen.
Osyǵan uqsas oqıǵa Taıynsha aýdanynyń Bolshoı Izıým aýylynda da boldy. Kóshege kirgen túlki taýyqty talaǵan. Turǵyndardyń aıtýynsha, sońǵy kezde eldi mekende túlkini jıi kóretin bolǵan.
Jabaıy janýardy Petropavldaǵy «Birlik» shaǵyn aýdanynyń turǵyndary da kóshede baıqap, túsirip alǵan.
@pkzsk.news V "Bırlıke" lısy vo dvory zahodıat ... #lısy #Petropavlovsk #novostıSKO ♬ orıgınalnyı zvýk - Petropavlovsk.news
Túlkilerdiń eldi mekenderge kóptep kirýine turǵyndar alańdap otyr. Óıtkeni olar qutyrma sııaqty qaýipti aýrýlardyń tasymaldaýshysy ekeni belgili. Kóshe kezgen buralqy ıtter arqyly ol adamdarǵa juǵýy múmkin.
Buǵan deıin Qostanaı oblysyndaǵy eldi mekende túlkiniń adamǵa shaýyp, qaýyp alǵanyn jazǵan edik.
Esterińizge salaıyq, SQO-da segiz aıda janýarlardan 1,2 myń adam zardap shekkenin jazǵan edik.