SQO-da týberkýlezden emdeý ornynda qaıtys bolǵan azamatqa qatysty tergeý júrip jatyr
PETROPAVL. QazAqparat – Soltústik Qazaqstan oblysynda Ǵ.Músirepov atyndaǵy týberkýlezden emdeý dıspanserinde 39 jastaǵy azamat qaıtys boldy, dep habarlaıdy QazAqparat.
Polıtsııa departamenti taratqan aqparattarǵa qaraǵanda, 39 jastaǵy azamatqa osy mekemede em alyp jatqan ekinshi azamat pyshaq jaraqatyn salǵan. Jaraqat alǵan 39 jastaǵy azamat kóp qan joǵaltýyna baılanysty kóz jumǵan.
40 jastaǵy kúdiktige qatysty 2 aıǵa deıin qamaýda ustaý jóninde sot sanktsııasymen shara qabyldanǵan.
«Atalǵan fakti sotqa deıingi tergeý reestriniń tizmine «Bireýdiń densaýlyǵyna qasqana aýyr jaraqat salý» babymen engizilgen. Osy ýaqytta isti jan-jaqty qarap, obektıvti sheshim shyǵarý úshin birqatar saraptama da taǵaıyndaldy»,-dep habarlady baspasóz qyzmeti.
