SQO-da týberkýlez juqtyrǵandar sany 35% artty
SQO sanıtarııalyq-epıdemıologııalyq baqylaý departamentiniń málimetinshe, jarty jyldyń ishinde mamandar tekseris barysynda 102 adamda týberkýlezdi anyqtady. Bul ótken jylmen salystyrǵanda shamamen 35% kóp. Aýyrǵandardyń basym bóligi Petropavl turǵyndary.
«Byltyr týberkýlez tıisti deńgeıde anyqtalmady. Sol sebepti kórsetkish tómen boldy. Bıyl bul jumystar ózi deńgeıinde atqarylyp jatyr. Esil, Taıynsha, Aıyrtaý, Qyzyljar aýdandarynda aýyrǵandar sany oblystyq deńgeıden joǵary. Sondaı-aq syrqattanǵandardyń jartysy – jumyssyzdar. Bıyl aýyrǵan 97 syrqattyń 49-ynda derttiń juqpaly túri bolǵan. ıAǵnı tynys organdary arqyly bakterııa bólingen. Naýqastardyń shamamen 86% – Esil aýdanynyń turǵyndary. Mundaı syrqattardy anyqtap, emdeý – bizdiń negizgi maqsatymyz» - deıdi departament basshysynyń orynbasary Tatıana Gorlova.
Týberkýlezdi juqtyrǵandar arasynda balalar da bar, búginde 3 jasóspirim em alyp jatyr.
«Qaýipti dertti tez arada emdep jazýdyń eń durys joly – syrqatty erte anyqtaý. Máselen bıyl qater tobyna jatatyn jáne mindetti túrde tekserilýi tıis turǵyndardy flıýorografııa arqyly tekserý barysynda 61 syrqat anyqtaldy. Naýqastardyń basym bóligi jumys istemeıdi. Bıylǵy jarty jylda 290 adamǵa 15 mln 607 myń teńgeniń áleýmettik kómegi kórsetildi. ıAǵnı bir syrqatqa oblys boıynsha orta eseppen 54 myń teńge berildi. Eń tómen járdemaqy Petropavlda – 31 myń teńge, Taıynsha aýdanynda – 34 myń teńge, Shal aqynda – 44 myń teńge bolsa, Esil aýdanynda 47 myń teńge shamasynda», - deıdi Tatıana Gorlova.