SQO-da týa bitken erin jáne tańdaı jyryǵy bar 100-ge jýyq bala bar
PETROPAVL. KAZINFORM – Soltústik Qazaqstan oblysyndaǵy jalǵyz memlekettik stomatologııalyq emhana jylyna 70 myńǵa jýyq adamdy qabyldap, kómek kórsetedi.
Marıash Kabıeva bul salada 45 jylǵa jýyq eńbek etip keledi. Tájirıbeli, joǵary sanatty stomatolog-hırýrgtyń aýrý tisti julyp qana qoımaı, keıde julynǵan tisti ornyna salatyn da kezderi bolady eken.
- Bizdiń patsıentterimiz kóbine balalar. Olar oınap júrip, keıde sporttyq jattyǵý barysynda qulap, tisteri julynyp ketýi múmkin. Mundaıda replantatsııa jasaımyz. ıAǵnı julynǵan tisti ornyna salyp beremiz. Biraq bul týraly kópshilik bile bermeıdi. Tis tamyrymen julynǵan jaǵdaıda birden bizge kelse, ony ornyna qaıta salýǵa múmkindik bar. Osylaısha, birneshe balanyń tisin saqtap qalǵan jaǵdaılar boldy, - deıdi dáriger.
Bul emdeý mekemesiniń ereksheligi – tegin medıtsınalyq kómektiń kepildik berilgen kólemi aıasynda qyzmet etedi.
- Bizdiń negizgi patsıentterimiz balalar jáne halyqtyń áleýmettik osal toptary. Barlyq stomatologııalyq kómekten bólek týa bitken erin jáne tańdaı jyryǵy bar balalarǵa da mamandandyrylǵan qyzmet kórsetiledi. Qazir óńirde osyndaı júzge jýyq bala dıspanserlik esepke alynǵan. Olardyń 45-i mektep jasyna deıingi balalar. Biraq sońǵy kezde mundaı syrqattar sany azaıǵan. Onyń basty sebebi – mundaı aýrýlar jatyrda erte kezeńde anyqtalatyn bolǵan, - deıdi emhana dırektory Darııa Gırıtsan.
Emhana mamandary qajet bolǵan jaǵdaıda múgedektigi bar jandarǵa jáne halyqtyń áleýmettik osal toptarynyń úılerine de baryp tegin qyzmet kórsetedi.
40 jyldan beri jumys istep kele jatqan stomatologııalyq emhana ǵımaratyna araǵa 20 jyl salyp, byltyrlary kúrdeli jóndeý júrgizildi. Sondaı-aq 90 mln teńgege qondyrǵylary tolyqtaı jańartyldy.
- Byltyr 70 myńǵa jýyq adamǵa qyzmet kórsettik. Emdelýshilerimizdiń sany artty. Óıtkeni jekemenshik stomatologııalyq kabınetter tegin medıtsınalyq kómektiń kepildik berilgen kólemi aıasynda memlekettik tapsyrysty alǵylary kelmeıdi, - deıdi Darııa Gırıtsan.
Buǵan deıin mektepterde 860-tan astam stomatologııalyq kabınet ashylatyndyǵyn jazǵan edik.