SQO-da tsıfrlyq aktıvterdi zańsyz aınalymǵa shyǵarǵan úsh azamat sottaldy
ASTANA. KAZINFORM — QMA Soltústik Qazaqstan oblysy boıynsha departamenti tsıfrlyq aktıvterdi zańsyz aınalymǵa shyǵarý faktisi boıynsha qylmystyq isti tergeýdi aıaqtady.

Úsh azamat tıisti lıtsenzııasyz krıptovalıýta qabyldaý jáne aıyrbastaý operatsııalaryn júrgizgen. Olar krıptovalıýta bırjalarynan alynǵan qarajatty paıdalanyp, krıptokoshelek arqyly qamtamasyz etilmegen tsıfrlyq aktıvtermen aıyrbas operatsııalaryn júzege asyrǵan. Qazaqstan Respýblıkasynyń aýmaǵynda qyzmeti tyıym salynǵan krıptobırjalar arqyly jasalǵan bul operatsııalar zańsyz boldy.
— Zańsyz aıyrbas operatsııalary nátıjesinde shemany uıymdastyrýshylar tsıfrlyq aktıvterdi ulttyq valıýtaǵa aıyrbastaǵan. Jalpy aınalym somasy 681 mln teńgeden astam. 380 adam osy úsh azamatpen krıptovalıýta boıynsha tranzaktsııalar jasaǵany anyqtaldy, bul is-áreket banktik shottardan alynǵan úzindilermen rastaldy, — delingen QMA-nyń habarlamasynda.
Sot úsh kúdiktige qatysty sheshim qabyldap, olardy 2,5 jyldan 3,5 jylǵa deıin bas bostandyǵynan aıyrý jazasyna kesip, múlikterin tárkileýge sheshim qabyldady.
Quny shamamen 400 mln teńgeni quraıtyn múlik tárkilendi, onyń ishinde 10 mln teńge kóleminde aktıvter, 150 mln teńge baǵasyndaǵy jyljymaıtyn múlik, jalpy quny 213 mln teńge bolatyn bes kólik, 12 mln teńge turatyn kvadrotsıkl jáne qymbat kompıýterlik jabdyqtar bar.
Mundaı qurylymdar óz klıentterin sáıkestendirmeıdi jáne kúdikti operatsııalardy anyqtamaıdy. Sondyqtan, olardyń qyzmetterin kóbine kıberalaıaqtar men esirtki zattaryn ótkizýshiler paıdalanady.
Mysaly, osyndaı shemalar arqyly 2024 jyly 10 mıllıard teńgege esirtki tabystary shyǵarylǵan.
Aıta keteıik, Qazaqstan Respýblıkasynyń «Tsıfrlyq aktıvter týraly» Zańyna sáıkes eldegi tsıfrlyq aktıvterdiń aınalymyna qatysty kez kelgen qyzmet lıtsenzııany qajet etedi.
QMA qoǵamdaǵy zańdylyq pen tártipti qamtamasyz etý, ekonomıkalyq jáne qarjylyq quqyq buzýshylyqtarǵa qarsy is-qımyl boıynsha belsendi jumysty jalǵastyryp jatyr.
Eske sala keteık, 2024 jyly 42 qarjy pıramıdasy joıyldy. Bul týraly Qarjylyq monıtorıng agenttiginiń tóraǵasy Prezıdent qabyldaýynda bolǵanda habarlaǵan bolatyn.