SQO-da trassada úsh kólik soqtyǵysyp, bir adam qaza tapty
PETROPAVL. QazAqparat – Soltústik Qazaqstan oblysynda júk kóligi, GAZel jáne jeńil kólik soqtyǵysyp, saldarynan bir adam mert boldy, dep habarlaıdy QazAqparat tilshisi.
SQO polıtsııa departamenti Qyzyljar aýdandyq polıtsııa bóliminiń málimetinshe, jol-kólik oqıǵasy búgin saǵat 10.30 shamasynda «Nur-Sultan-Petropavl» avtojolynyń Beskól aýyly mańyndaǵy kópirge kóteriletin jerde bolǵan.
«VAZ-2112», «GAZ 3507» jáne «GAZel» kólikteri soqtyǵysyp, saldarynan «VAZ-2112» kóliginiń 46 jastaǵy jolaýshysy mert boldy.
«Jol-kólik oqıǵasy QR QK 345-baby 3-bóliginde kózdelgen qylmystyq quqyq buzýshylyq quramynyń belgileri boıynsha Sotqa deıingi tergep-tekserýlerdiń biryńǵaı tizilimine engizildi. Barlyq zardap shekkender medıtsına uıymdaryna jetkizildi», - delingen habarlamada.
Oqıǵa ornyna Qyzyljar aýdanynyń jedel-tergeý toby shyqty. Tártip saqshylary sotqa deıingi tergeý barysynda jol-kólik oqıǵasynyń mán-jaıyn anyqtaıtyn bolady. Qajetti saraptamalar taǵaıyndaldy.
Buǵan deıin Petropavlda búgin tórt jeńil kóliktiń soqtyǵysyp qalǵanyn aıtqan edik.
